ЎЗБEКИСТОН МИЛЛИЙ СТАНДАРТИ

O‘ZBEKISTON MILLIY STANDARTI

_____________________________________________________________________________

_____________________________________________________________________________

Аҳолини ижтимоий ҳимоя қилиш. Ижтимоий хизматлар.

Aholini ijtimoiy himoya qilish. Ijtimoiy xizmatlar.

“Faol hayotga qadam” dasturi doirasida

«Фаол ҳаётга қадам» дастури доирасида

uy sharoitida  ijtimoiy-maishiy yordam ko‘rsatish xizmati

уй шароитида  ижтимоий-маиший ёрдам кўрсатиш хизмати

Loyiha

Лойиҳа

O‘zbekiston standartlar instituti

Ўзбекистон стандартлар институти

Toshkent 2026

Тошкент 2026

So‘zboshi

Сўзбоши

1 Стандартлаштириш бўйича техник қўмита СТҚ 30 «Аҳолига ижтимоий хизматлар кўрсатиш» (Ўзбекистон Республикаси Президенти ҳузуридаги Ижтимоий ҳимоя миллий агентлиги) томонидан ИШЛАБ ЧИҚИЛДИ.

1 Standartlashtirish boʻyicha texnik qoʻmita STQ 30 “Aholiga ijtimoiy xizmatlar koʻrsatish” (O‘zbekiston Respublikasi Prezidenti huzuridagi Ijtimoiy himoya milliy agentligi) tomonidan ISHLAB CHIQILDI.

2 O‘zbekiston standartlar institutining   ___- son buyrug‘i bilan TASDIQLANGAN.

2 Ўзбекистон стандартлар институтининг   ___- сон буйруғи билан ТАСДИҚЛАНГАН.

3 O‘zMSt 219:2024 “Aholini ijtimoiy himoya qilish. ijtimoiy xizmatlar. Keksalar va nogironligi bo‘lgan shaxslarni uyda parvarish qilish” milliy standart o‘rniga KIRITILDI.

3 ЎзМСт 219:2024 «Аҳолини ижтимоий ҳимоя қилиш. ижтимоий хизматлар. Кексалар ва ногиронлиги бўлган шахсларни уйда парвариш қилиш» миллий стандарт ўрнига КИРИТИЛДИ.

Ушбу миллий стандартни ва унга бўлган ўзгартишларни Ўзбекистон ҳудудида амалга киритиш, қайта кўриб чиқиш ёки бекор қилиш ҳақидаги ахборот Стандартлаштириш бўйича миллий органнинг расмий веб-сайтлари ва стандартларнинг йиллик ахборот кўрсаткичларда чоп этилади.

Ushbu milliy standartni va unga bo‘lgan o‘zgartishlarni O‘zbekiston hududida amalga kiritish, qayta ko‘rib chiqish yoki bekor qilish haqidagi axborot Standartlashtirish bo‘yicha milliy organning rasmiy veb-saytlari va standartlarning yillik axborot ko‘rsatkichlarda chop etiladi.

Ушбу стандартни Ўзбекистон ҳудудида расмий тарқатиш мутлақ ҳуқуқи Ўзбекистон стандартлар институтига тегишли

Ushbu standartni Oʻzbekiston hududida rasmiy tarqatish mutlaq huquqi Oʻzbekiston standartlar institutiga tegishli

Мундарижа

Mundarija

1 Қўлланиш доираси 1

1 Qo‘llanish doirasi 1

2 Standartlarga havolalar………...….............................................................................................. 1

2 Стандартларга ҳаволалар………...….............................................................................................. 1

3 Атамалар ва таърифлар 2

3 Atamalar va ta’riflar 2

4 Асосий қоидала 2

4 Asosiy qoidala 2

4.1 Хизмат кўрсатиш мақсади 2

 4.1 Xizmat ko‘rsatish maqsadi 2

4.2 Хизмат кўрсатиш вазифалари 2

 4.2 Xizmat ko‘rsatish vazifalari 2

4.3 Хизмат кўрсатишнинг асосий тамойиллари 2

 4.3 Xizmat ko‘rsatishning asosiy tamoyillari 2

 4.4 Xizmat tarkibi 3

4.4 Хизмат таркиби 3

4.5 Хизмат кўрсатиш шартлари 3

 4.5  Xizmat ko‘rsatish shartlari 3

5 Хизмат сифатига қўйиладиган минимал талаблар 3

5 Xizmat sifatiga qo‘yiladigan minimal talablar 3

5.1 Хизматдан фойдаланиш имконияти 3

 5.1 Xizmatdan foydalanish imkoniyati 3

  5.1.1 Xizmatdan foydalanish imkoniyati 3

  5.1.1 Хизматдан фойдаланиш имконияти 3

  5.1.2 Хизмат ҳақида хабардорлик 3

  5.1.2 Xizmat haqida xabardorlik 3

  5.1.3 Хизмат кўрсатишга қабул қилиш 4

  5.1.3 Xizmat ko‘rsatishga qabul qilish 4

  5.1.4 Хизмат кўрсатишни тўхтатиб туриш ёки тўхтатиш 4

  5.1.4 Xizmat ko‘rsatishni to‘xtatib turish yoki to‘xtatish 4

5.2 Индивидуал эҳтиёжни баҳолаш ва хизматни режалаштириш 4

 5.2 Individual ehtiyojni baholash va xizmatni rejalashtirish 4

  5.2.1 Xizmat oluvchining individual ehtiyojini baholash 4

  5.2.1 Хизмат олувчининг индивидуал эҳтиёжини баҳолаш 4

  5.2.2 Yakka tartibdagi rejani ishlab chiqish 5

  5.2.2 Якка тартибдаги режани ишлаб чиқиш 5

  5.2.3 Якка тартибдаги режани назорат қилиш ва қайта кўриб чиқиш 5

  5.2.3 Yakka tartibdagi rejani nazorat qilish va qayta ko‘rib chiqish 5

   5.3 Xizmat ko‘rsatishning yakka tartibdagi rejasini amalga oshirish 6

   5.3 Хизмат кўрсатишнинг якка тартибдаги режасини амалга ошириш 6

  5.3.1 Уй ва маиший ишларда ёрдам кўрсатиш 6

  5.3.1 Uy va maishiy ishlarda yordam ko‘rsatish 6

5.3.2 Gigiyenik tadbirlarni o‘tkazish 6

5.3.2 Гигиеник тадбирларни ўтказиш 6

  5.3.3 Xizmat oluvchiga hamrohlik qilish 7

  5.3.3 Хизмат олувчига ҳамроҳлик қилиш 7

  5.3.4 Тюторлик (мустақиллик кўникмаларини ўргатиш) 7

  5.3.4 Tyutorlik (mustaqillik ko‘nikmalarini o‘rgatish) 7

5.4 Хизмат олувчини ҳимоя қилиш 8

 5.4 Xizmat oluvchini himoya qilish 8

  5.4.1 Хизмат олувчини зўравонлик, эксплуатация ва эътиборсизликдан ҳимоя қилиш 8

  5.4.1 Xizmat oluvchini zo‘ravonlik, ekspluatatsiya va e’tiborsizlikdan himoya qilish  8

  5.4.2 Xizmat ko‘rsatishda xavfsizlikni ta’minlash 8

  5.4.2 Хизмат кўрсатишда хавфсизликни таъминлаш 8

  5.4.3 Хизмат олувчи тўғрисидаги маълумотларнинг махфийлиги ва ҳимояси 8

  5.4.3 Xizmat oluvchi to‘g‘risidagi ma’lumotlarning maxfiyligi va himoyasi 8

  5.4.4 Murojaat va shikoyatlarni ko‘rib chiqish 9

  5.4.4 Мурожаат ва шикоятларни кўриб чиқиш 9

5.5 Ходимларни бошқариш 9

 5.5 Xodimlarni boshqarish 9

  5.5.1 Ходимлар билан таъминланганлик 9

  5.5.1 Xodimlar bilan ta’minlanganlik 9

  5.5.2 Xodimlarni o‘qitish jarayonini boshqarish 9

  5.5.2 Ходимларни ўқитиш жараёнини бошқариш 9

  5.5.3 Ходимлар малакаси мониторинги 10

  5.5.3 Xodimlar malakasi monitoringi 10

  5.5.4 Superviziya va professional yordam 10

  5.5.4 Супервизия ва профессионал ёрдам 10

5.6 Хизматни ташкил этиш ва жиҳозлар билан таъминлаш 11

 5.6 Xizmatni tashkil etish va jihozlar bilan ta’minlash 11

  5.6.1 Хизмат кўрсатувчи ходимларнинг таъминланганлиги 11

  5.6.1 Xizmat ko‘rsatuvchi xodimlarning ta’minlanganligi 11

  5.6.2 Xizmat ko‘rsatuvchi xodimning hayoti va sog‘lig‘i xavfsizligini ta’minlash 11

  5.6.2 Хизмат кўрсатувчи ходимнинг ҳаёти ва соғлиғи хавфсизлигини таъминлаш 11

  5.6.3 Ҳужжатлаштириш ва қайдларни юритиш 11

  5.6.3 Hujjatlashtirish va qaydlarni yuritish 11

6 Xizmat sifatini monitoring qilish, baholash va takomillashtirish 13

6 Хизмат сифатини мониторинг қилиш, баҳолаш ва такомиллаштириш 13

Библиографик маълумотлар 14

Bibliografik ma’lumotlar 14

O‘ZBEKISTON MILLIY STANDARTI

ЎЗБEКИСТОН МИЛЛИЙ СТАНДАРТИ

_____________________________________________________________________________

_____________________________________________________________________________

Аҳолини ижтимоий ҳимоя қилиш. Ижтимоий хизматлар.
 «Фаол ҳаётга қадам» дастури доирасида

Aholini ijtimoiy himoya qilish. Ijtimoiy xizmatlar. 
 “Faol hayotga qadam” dasturi doirasida

uy sharoitida ijtimoiy-maishiy yordam ko‘rsatish xizmati
 

уй шароитида  ижтимоий-маиший ёрдам кўрсатиш хизмати
 

Социальная защита населения. Социальные услуги.
 Услуга по оказанию социально-бытовой помощи на дому

Социальная защита населения. Социальные услуги.
 Услуга по оказанию социально-бытовой помощи на дому

в рамках программы «Шаг к активной жизни»

в рамках программы «Шаг к активной жизни»

Social protection of the population. Social services. 
 Home-based social - domestic assistance service within the framework of
 the “Step to an аctive life” program

Social protection of the population. Social services.
 Home-based social — domestic assistance service within the framework of
 the “Step to an active life” program

_____________________________________________________________________________

_____________________________________________________________________________

Амалга киритилган санаси__________

Amalga kiritilgan sanasi__________

1 Qo‘llanish doirasi

1 Қўлланиш доираси

Ушбу миллий стандарт "Фаол ҳаётга қадам" дастури доирасида ижтимоий хизмат кўрсатиш — уйда ижтимоий-маиший ёрдам кўрсатиш фаолиятига татбиқ этилади.

Ushbu milliy standart "Faol hayotga qadam" dasturi doirasida ijtimoiy xizmat ko‘rsatish - uyda ijtimoiy-maishiy yordam ko‘rsatish faoliyatiga tatbiq etiladi.

Ushbu milliy standart xizmatni tashkil etish va ko‘rsatishga, uni ko‘rsatish shartlariga, xizmat mazmuniga, xizmat oluvchining huquqlari va xavfsizligini himoya qilishga, xodimlarni, hujjatlarni boshqarishga, shuningdek, xizmat sifatini monitoring qilish, baholash va yaxshilash jarayonlariga qo‘yiladigan minimal talablarni belgilaydi.

Ушбу миллий стандарт хизматни ташкил этиш ва кўрсатишга, уни кўрсатиш шартларига, хизмат мазмунига, хизмат олувчининг ҳуқуқлари ва хавфсизлигини ҳимоя қилишга, ходимларни, ҳужжатларни бошқаришга, шунингдек, хизмат сифатини мониторинг қилиш, баҳолаш ва яхшилаш жараёнларига қўйиладиган минимал талабларни белгилайди.

Хизмат 18 ёш ва ундан катта бўлган, ўзгалар парваришига муҳтож бўлган ёлғиз яшайдиган ва ёлғиз кексалар ҳамда ногиронлиги бўлган шахслар реестрига киритилган, ўзгалар парваришига индивидуал муҳтожлик даражаси Бартел ва Лаутон шкаласи бўйича 0 дан 116 баллгача бўлган шахсларга кўрсатилади.

Xizmat 18 yosh va undan katta bo‘lgan, o‘zgalar parvarishiga muhtoj bo‘lgan yolg‘iz yashaydigan va yolg‘iz keksalar hamda nogironligi bo‘lgan shaxslar reyestriga kiritilgan, o‘zgalar parvarishiga individual muhtojlik darajasi Bartel va Lauton shkalasi bo‘yicha 0 dan 116 ballgacha bo‘lgan shaxslarga ko‘rsatiladi.

Ijtimoiy xizmat yuqumli yoki ruhiy kasalliklarga chalingan shaxslarga ko‘rsatilmaydi.

Ижтимоий хизмат юқумли ёки руҳий касалликларга чалинган шахсларга кўрсатилмайди.

Ушбу стандарт талаблари ташкилий-ҳуқуқий шакли ва мулкчилик шаклидан қатъи назар, барча хизмат кўрсатувчилар учун мажбурийдир.

Ushbu standart talablari tashkiliy-huquqiy shakli va mulkchilik shaklidan qat’i nazar, barcha xizmat ko‘rsatuvchilar uchun majburiydir.

2 Стандартларга ҳаволалар

2 Standartlarga havolalar

Ushbu milliy standartda quyidagi milliy standartlarga havolalardan foydalanilgan:

Ушбу миллий стандартда қуйидаги миллий стандартларга ҳаволалардан фойдаланилган:

O‘zMSt 549:2025 “Aholini ijtimoiy himoya qilish. Ijtimoiy xizmatlar. Ijtimoiy ish amaliyoti”;

ЎзМСт 549:2025 «Аҳолини ижтимоий ҳимоя қилиш. Ижтимоий хизматлар. Ижтимоий иш амалиёти»;

O‘zMSt 795:2025 “Aholini ijtimoiy himoya qilish. Ijtimoiy xizmatlar sifati

ЎзМСт 795:2025 “Аҳолини ижтимоий ҳимоя қилиш. Ижтимоий хизматлар сифати

va sifat nazorati. Umumiy qoidalar”.

ва сифат назорати. Умумий қоидалар”.

Изоҳ — Ушбу стандартдан фойдаланишда стандартлаштириш бўйича Миллий органнинг расмий веб-сайтлари ва Ўзбекистон Республикаси ҳудудида стандартларга риоя этилиши стандартларнинг йиллик ахборот кўрсаткичларига мувофиқ текширилиши керак. Агар кўрсатилган стандарт алмаштирилган (ўзгартирилган) бўлса, у ҳолда ушбу стандартдан фойдаланишда алмаштирилган (ўзгартирилган) стандартга амал қилиш лозим. Агар ҳавола қилинган стандарт алмаштирилмасдан бекор қилинган бўлса, унга ҳавола ушбу ҳаволага тааллуқли бўлмаган қисмда қўлланилади.

Izoh - Ushbu standartdan foydalanishda standartlashtirish bo‘yicha Milliy organning rasmiy veb-saytlari va O‘zbekiston Respublikasi hududida standartlarga rioya etilishi standartlarning yillik axborot ko‘rsatkichlariga muvofiq tekshirilishi kerak. Agar ko‘rsatilgan standart almashtirilgan (o‘zgartirilgan) bo‘lsa, u holda ushbu standartdan foydalanishda almashtirilgan (o‘zgartirilgan) standartga amal qilish lozim. Agar havola qilingan standart almashtirilmasdan bekor qilingan bo‘lsa, unga havola ushbu havolaga taalluqli bo‘lmagan qismda qo‘llaniladi.

_______________________________________________________________________

_______________________________________________________________________

Rasmiy nashr

Расмий нашр

3 Atamalar va ta’riflar

3 Атамалар ва таърифлар

Ушбу миллий стандартда қуйидаги атамалар ҳамда уларнинг тегишли таърифлари қўлланилган:

Ushbu milliy standartda quyidagi atamalar hamda ularning tegishli ta’riflari qo‘llanilgan:

3.1 “Faol hayotga qadam” dasturi doirasida uyda ijtimoiy-maishiy yordam ko‘rsatish bo‘yicha ijtimoiy xizmat (keyingi o‘rinlarda - xizmat): Xizmat oluvchining yashash joyida ko‘rsatiladigan, xizmat oluvchining ijtimoiy-maishiy ehtiyojlarini qondirishga qaratilgan tadbirlarni o‘z ichiga olgan ijtimoiy xizmat.

3.1 «Фаол ҳаётга қадам» дастури доирасида уйда ижтимоий-маиший ёрдам кўрсатиш бўйича ижтимоий хизмат (кейинги ўринларда — хизмат): Хизмат олувчининг яшаш жойида кўрсатиладиган, хизмат олувчининг ижтимоий-маиший эҳтиёжларини қондиришга қаратилган тадбирларни ўз ичига олган ижтимоий хизмат.

3.2 хизмат кўрсатувчи (хизмат кўрсатувчи): «Инсон» марказлари ва (ёки) ижтимоий ҳимоя тизими ташкилотлари, «Фаол ҳаётга қадам» дастури доирасида хизмат кўрсатувчи якка тартибдаги тадбиркорлар, юридик ёки ўзини ўзи банд қилган шахслар.

3.2 xizmat ko‘rsatuvchi (xizmat ko‘rsatuvchi): “Inson” markazlari va (yoki) ijtimoiy himoya tizimi tashkilotlari, “Faol hayotga qadam” dasturi doirasida xizmat ko‘rsatuvchi yakka tartibdagi tadbirkorlar, yuridik yoki o‘zini o‘zi band qilgan shaxslar.

3.3 ижтимоий хизмат олувчи (кейинги ўринларда — хизмат олувчи): Ижтимоий хизмат ва ёрдамга муҳтож деб топилган ва ижтимоий хизмат кўрсатилаётган шахс.

3.3 ijtimoiy xizmat oluvchi (keyingi o‘rinlarda - xizmat oluvchi): Ijtimoiy xizmat va yordamga muhtoj deb topilgan va ijtimoiy xizmat ko‘rsatilayotgan shaxs.

3.4 уйда ижтимоий-маиший ёрдам кўрсатиш бўйича якка тартибдаги режа (кейинги ўринларда — якка тартибдаги режа): Хизмат олувчининг шахсий эҳтиёжларини ҳисобга олган ҳолда ижтимоий хизмат кўрсатишнинг мақсадлари, тадбирлари, ҳажми ва шартларини белгиловчи, хизмат олувчининг шахсий эҳтиёжларини баҳолаш асосида ишлаб чиқиладиган ҳужжат.

3.4 uyda ijtimoiy-maishiy yordam ko‘rsatish bo‘yicha yakka tartibdagi reja (keyingi o‘rinlarda - yakka tartibdagi reja): Xizmat oluvchining shaxsiy ehtiyojlarini hisobga olgan holda ijtimoiy xizmat ko‘rsatishning maqsadlari, tadbirlari, hajmi va shartlarini belgilovchi, xizmat oluvchining shaxsiy ehtiyojlarini baholash asosida ishlab chiqiladigan hujjat.

3.5 тадбир: Хизмат кўрсатувчи томонидан якка тартибдаги режага мувофиқ ижтимоий хизмат кўрсатиш доирасида амалга ошириладиган ҳаракат ёки ҳаракатлар мажмуи.

3.5 tadbir: Xizmat ko‘rsatuvchi tomonidan yakka tartibdagi rejaga muvofiq ijtimoiy xizmat ko‘rsatish doirasida amalga oshiriladigan harakat yoki harakatlar majmui.

4 Asosiy qoidalar

4 Асосий қоидалар

4.1 Хизмат кўрсатиш мақсади

4.1 Xizmat ko‘rsatish maqsadi

Xizmat ko‘rsatishning maqsadi xizmat oluvchining imkon qadar mustaqilligini ta’minlash va odatiy uy muhitida yashashini qo‘llab-quvvatlash orqali uning hayot sifatini oshirishdan iborat.

Хизмат кўрсатишнинг мақсади хизмат олувчининг имкон қадар мустақиллигини таъминлаш ва одатий уй муҳитида яшашини қўллаб-қувватлаш орқали унинг ҳаёт сифатини оширишдан иборат.

4.2 Xizmat ko‘rsatish vazifalari

4.2 Хизмат кўрсатиш вазифалари

Хизмат вазифалари қуйидагилардан иборат:

Xizmat vazifalari quyidagilardan iborat:

- хизмат олувчининг кундалик ҳаётдаги мустақиллигини ошириш, унинг ижтимоий интеграциялашувига кўмаклашиш ва одатий муҳитда мустақил яшаш қобилиятини сақлаб қолиш (ўзгалар парваришига муҳтожликнинг олдини олиш, камайтириш ёки бартараф этиш);

- xizmat oluvchining kundalik hayotdagi mustaqilligini oshirish, uning ijtimoiy integratsiyalashuviga ko‘maklashish va odatiy muhitda mustaqil yashash qobiliyatini saqlab qolish (o‘zgalar parvarishiga muhtojlikning oldini olish, kamaytirish yoki bartaraf etish);

-xizmat oluvchining odatiy uy muhitida yashashini qo‘llab-quvvatlash orqali institutsionallashuvning oldini olish.

-хизмат олувчининг одатий уй муҳитида яшашини қўллаб-қувватлаш орқали институционаллашувнинг олдини олиш.

4.3 Хизмат кўрсатишнинг асосий тамойиллари

4.3 Xizmat ko‘rsatishning asosiy tamoyillari

4.3.1 Хизмат қуйидаги тамойиллар асосида кўрсатилади:

4.3.1 Xizmat quyidagi tamoyillar asosida ko‘rsatiladi:

- хизмат олувчининг ҳуқуқлари, қадр-қиммати, мустақиллиги ва шахсий ҳаётини ҳурмат қилиш, ҳурматли ва инсонпарвар муносабатда бўлиш;

- xizmat oluvchining huquqlari, qadr-qimmati, mustaqilligi va shaxsiy hayotini hurmat qilish, hurmatli va insonparvar munosabatda bo‘lish;

- хизмат олувчининг ўз имкониятлари доирасида хизмат кўрсатиш билан боғлиқ қарорларни қабул қилишда иштирок этиши;

- xizmat oluvchining o‘z imkoniyatlari doirasida xizmat ko‘rsatish bilan bog‘liq qarorlarni qabul qilishda ishtirok etishi;

- xizmat oluvchining shaxsiy ehtiyojlari, fikri, odatlari, afzalliklari va turmush tarzini hisobga olishni nazarda tutuvchi manzillilik va individual yondashuv;

- хизмат олувчининг шахсий эҳтиёжлари, фикри, одатлари, афзалликлари ва турмуш тарзини ҳисобга олишни назарда тутувчи манзиллилик ва индивидуал ёндашув;

- хизматдан фойдаланиш имконияти ва уни олиш тартиби тўғрисидаги маълумотлар;

- xizmatdan foydalanish imkoniyati va uni olish tartibi to‘g‘risidagi ma’lumotlar;

- xizmat oluvchining yoshi, sog‘lig‘i holati va imkoniyatlarini hisobga olgan holda shaxsiy rejani rejalashtirish va amalga oshirishda u bilan hamkorlik qilish;

- хизмат олувчининг ёши, соғлиғи ҳолати ва имкониятларини ҳисобга олган ҳолда шахсий режани режалаштириш ва амалга оширишда у билан ҳамкорлик қилиш;

- шахсий маълумотларнинг махфийлиги;

- shaxsiy ma’lumotlarning maxfiyligi;

- kamsitish, qarorlarni majburan qabul qilish, zo‘ravonlik va shafqatsiz muomalaga yo‘l qo‘ymaslik;

- камситиш, қарорларни мажбуран қабул қилиш, зўравонлик ва шафқатсиз муомалага йўл қўймаслик;

- xizmat ko‘rsatishda xizmat oluvchining, xodimlarning xavfsizligini ta’minlash.

- хизмат кўрсатишда хизмат олувчининг, ходимларнинг хавфсизлигини таъминлаш.

4.4 Xizmat tarkibi

4.4 Хизмат таркиби

Хизмат қуйидаги тадбирларни ўз ичига олади:

Xizmat quyidagi tadbirlarni o‘z ichiga oladi:

- uy va maishiy ishlarda yordam berish;

- уй ва маиший ишларда ёрдам бериш;

- gigiyena tadbirlarini o‘tkazish;

- гигиена тадбирларини ўтказиш;

- хизмат кўрсатувчига ҳамроҳлик қилиш;

- xizmat ko‘rsatuvchiga hamrohlik qilish;

- тюторлик (мустақилликка ўргатиш).

- tyutorlik (mustaqillikka o‘rgatish).

4.5 Xizmat ko‘rsatish shartlari

4.5 Хизмат кўрсатиш шартлари

4.5.1 Хизмат эҳтиёжни баҳолаш натижаларига кўра белгиланган хизмат олувчининг шахсий муҳтожлик даражасига қараб, ҳафтасига бир мартадан тўрт мартагача, ҳар бир ташриф учун уч соатгача давомийлик билан кўрсатилади.

4.5.1 Xizmat ehtiyojni baholash natijalariga ko‘ra belgilangan xizmat oluvchining shaxsiy muhtojlik darajasiga qarab, haftasiga bir martadan to‘rt martagacha, har bir tashrif uchun uch soatgacha davomiylik bilan ko‘rsatiladi.

4.5.2 Xizmat ko‘rsatish davomiyligi xizmat oluvchining ehtiyojlarini va ehtiyojni baholash natijalarini hisobga olgan holda belgilanadi hamda uning hayot faoliyatini va maksimal darajada mustaqilligini ta’minlash uchun yetarli bo‘lishi kerak.

4.5.2 Хизмат кўрсатиш давомийлиги хизмат олувчининг эҳтиёжларини ва эҳтиёжни баҳолаш натижаларини ҳисобга олган ҳолда белгиланади ҳамда унинг ҳаёт фаолиятини ва максимал даражада мустақиллигини таъминлаш учун етарли бўлиши керак.

5 Xizmat sifatiga qo‘yiladigan minimal talablar

5 Хизмат сифатига қўйиладиган минимал талаблар

Ushbu standartning alohida talablari xizmatni tashkil etish va ko‘rsatish jarayonida xizmat ko‘rsatuvchining rolini hisobga olgan holda qo‘llaniladi.

Ушбу стандартнинг алоҳида талаблари хизматни ташкил этиш ва кўрсатиш жараёнида хизмат кўрсатувчининг ролини ҳисобга олган ҳолда қўлланилади.

Agar xizmat ko‘rsatuvchi ushbu standartda nazarda tutilgan alohida jarayonlarni bajarmasa, tegishli talablar faqat u tomonidan amalda bajariladigan jarayonlar qismida qo‘llaniladi.

Агар хизмат кўрсатувчи ушбу стандартда назарда тутилган алоҳида жараёнларни бажармаса, тегишли талаблар фақат у томонидан амалда бажариладиган жараёнлар қисмида қўлланилади.

5.1 Хизматдан фойдаланиш имконияти

5.1 Xizmatdan foydalanish imkoniyati

5.1.1 Xizmatdan foydalanish imkoniyati

5.1.1 Хизматдан фойдаланиш имконияти

5.1.1.1 Xizmat ko‘rsatuvchi , xizmat olishga murojaat qilish, zarur ma’lumotlarni olish va xizmatdan foydalanishni boshlash imkonini beruvchi shart-sharoitlarni yaratish orqali potensial va amaldagi xizmat oluvchilar uchun xizmatdan foydalanish imkoniyatini ta’minlaydi.

5.1.1.1 Хизмат кўрсатувчи , хизмат олишга мурожаат қилиш, зарур маълумотларни олиш ва хизматдан фойдаланишни бошлаш имконини берувчи шарт-шароитларни яратиш орқали потенциал ва амалдаги хизмат олувчилар учун хизматдан фойдаланиш имкониятини таъминлайди.

5.1.1.2 Kutilayotgan natija: Xizmat potensial va amaldagi xizmat oluvchilar uchun xizmatdan foydalanish imkoniyati ochiq.

5.1.1.2 Кутилаётган натижа: Хизмат потенциал ва амалдаги хизмат олувчилар учун хизматдан фойдаланиш имконияти очиқ.

5.1.1.3 Натижага эришиш кўрсаткичлари

5.1.1.3 Natijaga erishish ko‘rsatkichlari

a) xizmat ko‘rsatuvchining aloqa ma’lumotlari (manzili, telefon/faks va elektron pochta manzili) dolzarb, ochiq va ariza beruvchilar uchun ochiq bo‘lishi;

а) хизмат кўрсатувчининг алоқа маълумотлари (манзили, телефон/факс ва электрон почта манзили) долзарб, очиқ ва ариза берувчилар учун очиқ бўлиши;

б) ариза берувчига хизмат кўрсатувчи билан ёзма шаклда, телефон, электрон почта орқали, белгиланган бошқа усулда боғланиш имконияти таъминланган бўлса;

b) ariza beruvchiga xizmat ko‘rsatuvchi bilan yozma shaklda, telefon, elektron pochta orqali, belgilangan boshqa usulda bog‘lanish imkoniyati ta’minlangan bo‘lsa;

c) xizmat ko‘rsatuvchi ma’lum bir ariza beruvchiga uning individual xususiyatlarini hisobga olgan holda ma’lumot taqdim etilishini ta’minlaydi;

c) хизмат кўрсатувчи маълум бир ариза берувчига унинг индивидуал хусусиятларини ҳисобга олган ҳолда маълумот тақдим этилишини таъминлайди;

d) xizmat ko‘rsatuvchi xodim xizmat oluvchiga tashrif buyurganda o‘zini tanishtiradi va xizmat ko‘rsatuvchiga tegishliligini tasdiqlaydi.

д) хизмат кўрсатувчи ходим хизмат олувчига ташриф буюрганда ўзини таништиради ва хизмат кўрсатувчига тегишлилигини тасдиқлайди.

5.1.2 Xizmat haqida xabardorlik

5.1.2 Хизмат ҳақида хабардорлик

5.1.2.1 Xizmat ko‘rsatuvchi xizmat oluvchiga (qonuniy vakilga) va har qanday manfaatdor shaxslarga xizmat to‘g‘risida hamma uchun ochiq ma’lumotni taqdim etadi.

5.1.2.1 Хизмат кўрсатувчи хизмат олувчига (қонуний вакилга) ва ҳар қандай манфаатдор шахсларга хизмат тўғрисида ҳамма учун очиқ маълумотни тақдим этади.

5.1.2.2 Kutilayotgan natija: xizmat oluvchi (qonuniy vakil) xizmat ko‘rsatish tartibi, xizmat olish mezonlari, ko‘rsatish shartlari, taqdim etiladigan tadbirlar, xizmat oluvchining huquq va majburiyatlari to‘g‘risida xabardor qilingan.

5.1.2.2 Кутилаётган натижа: хизмат олувчи (қонуний вакил) хизмат кўрсатиш тартиби, хизмат олиш мезонлари, кўрсатиш шартлари, тақдим этиладиган тадбирлар, хизмат олувчининг ҳуқуқ ва мажбуриятлари тўғрисида хабардор қилинган.

5.1.2.3 Натижага эришиш кўрсаткичлари

5.1.2.3 Natijaga erishish ko‘rsatkichlari

5.1.2.4 Xizmat oluvchi (qonuniy vakil) va manfaatdor shaxslarga quyidagilar to‘g‘risida ma’lumot taqdim etildi:

5.1.2.4 Хизмат олувчи (қонуний вакил) ва манфаатдор шахсларга қуйидагилар тўғрисида маълумот тақдим этилди:

a) xizmat ko‘rsatuvchi, uning joylashgan joyi, aloqa ma’lumotlari, ish tartibi va mas’ul shaxslar;

а) хизмат кўрсатувчи, унинг жойлашган жойи, алоқа маълумотлари, иш тартиби ва масъул шахслар;

б) хизмат олиш мезонлари, хизмат кўрсатиш шартлари, хизмат олувчининг шахсий эҳтиёжини аниқлаш тартиби;

b) xizmat olish mezonlari, xizmat ko‘rsatish shartlari, xizmat oluvchining shaxsiy ehtiyojini aniqlash tartibi;

c) хизматнинг таркиби, уни кўрсатиш муддати ва шартлари, мавжуд бўлганда эса — хизматнинг қиймати;

c) xizmatning tarkibi, uni ko‘rsatish muddati va shartlari, mavjud bo‘lganda esa - xizmatning qiymati;

d) xizmat ko‘rsatishni to‘xtatib turish yoki to‘xtatish shartlari;

д) хизмат кўрсатишни тўхтатиб туриш ёки тўхтатиш шартлари;

e) xizmat oluvchining xizmatdan foydalanish bilan bog‘liq huquq va majburiyatlari, shu jumladan hurmat bilan munosabatda bo‘lish, qadr-qimmatni saqlash, shaxsiy ma’lumotlarning maxfiyligi hamda zo‘ravonlik, ekspluatatsiya va e’tiborsizlikning har qanday shakllaridan himoyalanish huquqi;

э) хизмат олувчининг хизматдан фойдаланиш билан боғлиқ ҳуқуқ ва мажбуриятлари, шу жумладан ҳурмат билан муносабатда бўлиш, қадр-қимматни сақлаш, шахсий маълумотларнинг махфийлиги ҳамда зўравонлик, эксплуатация ва эътиборсизликнинг ҳар қандай шаклларидан ҳимояланиш ҳуқуқи;

f) murojaatlar, takliflar va shikoyatlar berish tartibi.

ф) мурожаатлар, таклифлар ва шикоятлар бериш тартиби.

5.1.3 Хизмат кўрсатишга қабул қилиш

5.1.3 Xizmat ko‘rsatishga qabul qilish

5.1.3.1 Xizmat ko‘rsatuvchi xizmatdan shaffof va xolisona foydalanishni ta’minlaydigan belgilangan qabul qilish tartib-qoidalariga ega va ularni qo‘llaydi.

5.1.3.1 Хизмат кўрсатувчи хизматдан шаффоф ва холисона фойдаланишни таъминлайдиган белгиланган қабул қилиш тартиб-қоидаларига эга ва уларни қўллайди.

5.1.3.2 Кутилаётган натижа

5.1.3.2 Kutilayotgan natija

Қабул қилиш мезонларига мос келадиган шахслар белгиланган тартиб-қоидаларга мувофиқ хизмат кўрсатишга қабул қилинади.

Qabul qilish mezonlariga mos keladigan shaxslar belgilangan tartib-qoidalarga muvofiq xizmat ko‘rsatishga qabul qilinadi.

5.1.3.3 Натижага эришиш кўрсаткичлари

5.1.3.3 Natijaga erishish ko‘rsatkichlari

а) хизматга қабул қилишни тартибга солувчи ҳужжатлар мавжуд ва қўлланилади;

a) xizmatga qabul qilishni tartibga soluvchi hujjatlar mavjud va qo‘llaniladi;

б) хизмат кўрсатишга қабул қилиш рухсат бериш мезонларига мувофиқ амалга оширилади, шу жумладан:

b) xizmat ko‘rsatishga qabul qilish ruxsat berish mezonlariga muvofiq amalga oshiriladi, shu jumladan:

- шахснинг хизмат олувчилар тоифасига мансублиги;

- shaxsning xizmat oluvchilar toifasiga mansubligi;

- xizmat oluvchi internat muassasalarida xizmat olmayotganligi ;

- хизмат олувчи интернат муассасаларида хизмат олмаётганлиги ;

- baholash natijalariga ko‘ra xizmatga bo‘lgan ehtiyojni tasdiqlash;

- баҳолаш натижаларига кўра хизматга бўлган эҳтиёжни тасдиқлаш;

c) хизмат олувчининг шахсий йиғмажилди шакллантирилган ва хизмат кўрсатишнинг бутун даври мобайнида юритилади;

c) xizmat oluvchining shaxsiy yig‘majildi shakllantirilgan va xizmat ko‘rsatishning butun davri mobaynida yuritiladi;

д) хизмат кўрсатиш тузилган шартнома асосида амалга оширилади.

d) xizmat ko‘rsatish tuzilgan shartnoma asosida amalga oshiriladi.

5.1.4 Хизмат кўрсатишни тўхтатиб туриш ёки тўхтатиш

5.1.4 Xizmat ko‘rsatishni to‘xtatib turish yoki to‘xtatish

5.1.4.1 Хизмат кўрсатувчи белгиланган тартибга мувофиқ хизмат кўрсатишни тўхтатиб туриш ёки тўхтатишни таъминлайди.

5.1.4.1 Xizmat ko‘rsatuvchi belgilangan tartibga muvofiq xizmat ko‘rsatishni to‘xtatib turish yoki to‘xtatishni ta’minlaydi.

5.1.4.2 Кутилаётган натижа: Хизмат кўрсатишни тўхтатиб туриш ёки тўхтатиш белгиланган тартибга мувофиқ амалга оширилади, ҳужжатлаштирилади ва хизматни олувчига (унинг қонуний вакилига) маълум қилинади.

5.1.4.2 Kutilayotgan natija: Xizmat ko‘rsatishni to‘xtatib turish yoki to‘xtatish belgilangan tartibga muvofiq amalga oshiriladi, hujjatlashtiriladi va xizmatni oluvchiga (uning qonuniy vakiliga) ma’lum qilinadi.

5.1.4.3 Natijaga erishish ko‘rsatkichlari:

5.1.4.3 Натижага эришиш кўрсаткичлари:

a) xizmat ko‘rsatishni to‘xtatib turish yoki to‘xtatish tartibi mavjud bo‘lsa va qo‘llanilsa;

а) хизмат кўрсатишни тўхтатиб туриш ёки тўхтатиш тартиби мавжуд бўлса ва қўлланилса;

b) xizmat ko‘rsatishni to‘xtatib turish yoki to‘xtatish to‘g‘risidagi qaror hujjatlashtiriladi;

б) хизмат кўрсатишни тўхтатиб туриш ёки тўхтатиш тўғрисидаги қарор ҳужжатлаштирилади;

c) xizmatlar oluvchini (uning qonuniy vakilini) qabul qilingan qaror va uni qabul qilish sabablari to‘g‘risida o‘z vaqtida xabardor qilish;

c) хизматлар олувчини (унинг қонуний вакилини) қабул қилинган қарор ва уни қабул қилиш сабаблари тўғрисида ўз вақтида хабардор қилиш;

d) xizmat oluvchiga boshqa ijtimoiy xizmatlar yoki qo‘llab-quvvatlash choralarini (mavjud bo‘lganda) olish imkoniyatlari to‘g‘risida ma’lumot beriladi.

д) хизмат олувчига бошқа ижтимоий хизматлар ёки қўллаб-қувватлаш чораларини (мавжуд бўлганда) олиш имкониятлари тўғрисида маълумот берилади.

5.2 Индивидуал эҳтиёжни баҳолаш ва хизматни режалаштириш

5.2 Individual ehtiyojni baholash va xizmatni rejalashtirish

5.2.1 Xizmat oluvchining individual ehtiyojini baholash

5.2.1 Хизмат олувчининг индивидуал эҳтиёжини баҳолаш

5.2.1.1 Xizmat ko‘rsatuvchi xizmat oluvchining individual ehtiyojlarini baholash tartib-qoidalariga ega va ularni qo‘llaydi.

5.2.1.1 Хизмат кўрсатувчи хизмат олувчининг индивидуал эҳтиёжларини баҳолаш тартиб-қоидаларига эга ва уларни қўллайди.

5.2.1.2 Кутилаётган натижа: хизмат олувчининг эҳтиёжлари унинг ҳолати, функционал имкониятлари ва турмуш шароитларини ҳисобга олган ҳолда аниқланган, баҳоланган ва ҳужжатлаштирилган.

5.2.1.2 Kutilayotgan natija: xizmat oluvchining ehtiyojlari uning holati, funksional imkoniyatlari va turmush sharoitlarini hisobga olgan holda aniqlangan, baholangan va hujjatlashtirilgan.

5.2.1.3 Натижага эришиш кўрсаткичлари:

5.2.1.3 Natijaga erishish ko‘rsatkichlari:

a) individual muhtojlikni baholashni tasdiqlangan vositalari mavjud va qo‘llaniladi;

а) индивидуал муҳтожликни баҳолашни тасдиқланган воситалари мавжуд ва қўлланилади;

б) баҳолаш хизмат олувчининг мустақиллик даражасини ва хизматга бўлган эҳтиёжини аниқлаш имконини беради;

b) baholash xizmat oluvchining mustaqillik darajasini va xizmatga bo‘lgan ehtiyojini aniqlash imkonini beradi;

c) xizmat oluvchiga (qonuniy vakiliga) baholashni o‘tkazishda o‘z fikrini bildirish imkoniyati berilgan bo‘lsa;

c) хизмат олувчига (қонуний вакилига) баҳолашни ўтказишда ўз фикрини билдириш имконияти берилган бўлса;

d) qo‘shimcha ehtiyojlar aniqlanganda xizmat oluvchiga boshqa ijtimoiy, tibbiy yoki reabilitatsiya xizmatlarini olish imkoniyati to‘g‘risida ma’lumot beriladi, zarur hollarda esa bunday xizmatni ko‘rsatuvchi tashkilotlar bilan o‘zaro hamkorlik ta’minlanadi.

д) қўшимча эҳтиёжлар аниқланганда хизмат олувчига бошқа ижтимоий, тиббий ёки реабилитация хизматларини олиш имконияти тўғрисида маълумот берилади, зарур ҳолларда эса бундай хизматни кўрсатувчи ташкилотлар билан ўзаро ҳамкорлик таъминланади.

5.2.2 Якка тартибдаги режани ишлаб чиқиш

5.2.2 Yakka tartibdagi rejani ishlab chiqish

5.2.2.1 Якка тартибдаги режа ҳар бир хизмат олувчи учун ишлаб чиқилади.

5.2.2.1 Yakka tartibdagi reja har bir xizmat oluvchi uchun ishlab chiqiladi.

5.2.2.2 Kutilayotgan natija: har bir xizmat oluvchi uchun yakka tartibdagi reja shakllantirilgan.

5.2.2.2 Кутилаётган натижа: ҳар бир хизмат олувчи учун якка тартибдаги режа шакллантирилган.

5.2.2.3 Natijaga erishish ko‘rsatkichlari

5.2.2.3 Натижага эришиш кўрсаткичлари

а) якка тартибдаги режа хизмат кўрсатиш бошлангунга қадар ишлаб чиқилган бўлса;

a) yakka tartibdagi reja xizmat ko‘rsatish boshlangunga qadar ishlab chiqilgan bo‘lsa;

б) якка тартибдаги режа индивидуал муҳтожликни баҳолаш натижалари асосида ишлаб чиқилган бўлса;

b) yakka tartibdagi reja individual muhtojlikni baholash natijalari asosida ishlab chiqilgan bo‘lsa;

c) якка тартибдаги режада хизмат кўрсатишнинг индивидуал мақсадлари, кутилаётган натижалар, тадбирлар рўйхати, уларни тақдим этиш даврийлиги, хизмат ҳажми, шунингдек хизмат кўрсатишни ташкил этиш учун зарур бўлган бошқа маълумотлар мавжуд бўлади;

c) yakka tartibdagi rejada xizmat ko‘rsatishning individual maqsadlari, kutilayotgan natijalar, tadbirlar ro‘yxati, ularni taqdim etish davriyligi, xizmat hajmi, shuningdek xizmat ko‘rsatishni tashkil etish uchun zarur bo‘lgan boshqa ma’lumotlar mavjud bo‘ladi;

д) якка тартибдаги режанинг мақсадлари ва тадбирлари ўзаро боғлиқ бўлиб, хизмат кўрсатиш натижаларини баҳолаш имконини беради;

d) yakka tartibdagi rejaning maqsadlari va tadbirlari o‘zaro bog‘liq bo‘lib, xizmat ko‘rsatish natijalarini baholash imkonini beradi;

e) yakka tartibdagi rejaning mazmuni xizmat oluvchi (uning qonuniy vakili) bilan kelishilgan bo‘lib, unga uning mazmuni tushuntirilgan bo‘lsa;

э) якка тартибдаги режанинг мазмуни хизмат олувчи (унинг қонуний вакили) билан келишилган бўлиб, унга унинг мазмуни тушунтирилган бўлса;

f) yakka tartibdagi reja xizmat oluvchi (uning qonuniy vakili) tomonidan imzolangan, reja nusxasi xizmat oluvchiga taqdim etilgan bo‘lsa;

ф) якка тартибдаги режа хизмат олувчи (унинг қонуний вакили) томонидан имзоланган, режа нусхаси хизмат олувчига тақдим этилган бўлса;

г) якка тартибдаги режа хизмат кўрсатишда иштирок этаётган мутахассисларга уларнинг ваколатлари доирасида тақдим этилади.

g) yakka tartibdagi reja xizmat ko‘rsatishda ishtirok etayotgan mutaxassislarga ularning vakolatlari doirasida taqdim etiladi.

5.2.3 Якка тартибдаги режани назорат қилиш ва қайта кўриб чиқиш

5.2.3 Yakka tartibdagi rejani nazorat qilish va qayta ko‘rib chiqish

5.2.3.1 Xizmat ko‘rsatuvchi yakka tartibdagi rejaning bajarilishini monitoring qiladi va zarur hollarda monitoring natijalariga ko‘ra uni qayta ko‘rib chiqishni ta’minlaydi.

5.2.3.1 Хизмат кўрсатувчи якка тартибдаги режанинг бажарилишини мониторинг қилади ва зарур ҳолларда мониторинг натижаларига кўра уни қайта кўриб чиқишни таъминлайди.

5.2.3.2 Kutilayotgan natija

5.2.3.2 Кутилаётган натижа

Якка тартибдаги режа хизмат олувчининг ўзгарувчан эҳтиёжларига мувофиқ амалга оширилади ва ўз вақтида ўзгартирилади.

Yakka tartibdagi reja xizmat oluvchining o‘zgaruvchan ehtiyojlariga muvofiq amalga oshiriladi va o‘z vaqtida o‘zgartiriladi.

5.2.3.3 Натижага эришиш кўрсаткичлари

5.2.3.3 Natijaga erishish ko‘rsatkichlari

Xizmat ko‘rsatuvchi:

Хизмат кўрсатувчи:

a) yakka tartibdagi rejada nazarda tutilgan tadbirlarning bajarilishi monitoringini amalga oshiradi;

а) якка тартибдаги режада назарда тутилган тадбирларнинг бажарилиши мониторингини амалга оширади;

b) belgilangan davriylikda yoki xizmat oluvchining holati, funksional imkoniyatlari yoki ehtiyojlari o‘zgarganda yakka tartibdagi rejani qayta ko‘rib chiqadi;

б) белгиланган даврийликда ёки хизмат олувчининг ҳолати, функционал имкониятлари ёки эҳтиёжлари ўзгарганда якка тартибдаги режани қайта кўриб чиқади;

c) зарур ҳолларда , якка тартибдаги режада назарда тутилган мақсад, тадбир ва хизматлар ҳажмига ўзгаришлар киритади;

c) zarur hollarda , yakka tartibdagi rejada nazarda tutilgan maqsad, tadbir va xizmatlar hajmiga o‘zgarishlar kiritadi;

d) yakka tartibdagi rejadagi o‘zgarishlarni xizmat oluvchi (qonuniy vakili) bilan kelishiladi;

д) якка тартибдаги режадаги ўзгаришларни хизмат олувчи (қонуний вакили) билан келишилади;

e) monitoring natijalarini va yakka tartibdagi rejani qayta ko‘rib chiqqanligini hujjatlashtiradi va ularni xizmat oluvchining shaxsiy yig‘majildiga kiritadi.

э) мониторинг натижаларини ва якка тартибдаги режани қайта кўриб чиққанлигини ҳужжатлаштиради ва уларни хизмат олувчининг шахсий йиғмажилдига киритади.

5.3 Хизмат кўрсатишнинг якка тартибдаги режасини амалга ошириш

5.3 Xizmat ko‘rsatishning yakka tartibdagi rejasini amalga oshirish

Ушбу бўлимда назарда тутилган тадбирлар хизмат олувчининг якка тартибдаги режасига мувофиқ, унинг соғлиғи ҳолати, функционал имкониятлари ва эҳтиёжларини ҳисобга олган ҳолда тақдим этилади. Хизмат кўрсатувчи хизмат олувчининг имкон қадар мустақиллигини сақлаш ва ривожлантиришга кўмаклашади.

Ushbu bo‘limda nazarda tutilgan tadbirlar xizmat oluvchining yakka tartibdagi rejasiga muvofiq, uning sog‘lig‘i holati, funksional imkoniyatlari va ehtiyojlarini hisobga olgan holda taqdim etiladi. Xizmat ko‘rsatuvchi xizmat oluvchining imkon qadar mustaqilligini saqlash va rivojlantirishga ko‘maklashadi.

5.3.1 Uy va maishiy ishlarda yordam ko‘rsatish

5.3.1 Уй ва маиший ишларда ёрдам кўрсатиш

5.3.1.1 Хизмат кўрсатувчи хизмат олувчига уй ва маиший ишларда ёрдам кўрсатилишини таъминлайди. Уй ва маиший ишларда ёрдам кўрсатиш зарур ҳолларда қуйидаги тадбирларни ўз ичига олади:

5.3.1.1 Xizmat ko‘rsatuvchi xizmat oluvchiga uy va maishiy ishlarda yordam ko‘rsatilishini ta’minlaydi. Uy va maishiy ishlarda yordam ko‘rsatish zarur hollarda quyidagi tadbirlarni o‘z ichiga oladi:

- ovqat tayyorlashda yordam berish;

- овқат тайёрлашда ёрдам бериш;

- ovqatdan keyin idish-tovoqlarni yuvish va tozalashda yordam berish;

- овқатдан кейин идиш-товоқларни ювиш ва тозалашда ёрдам бериш;

- турар жойни тозалаш ва тартибни сақлаш;

- turar joyni tozalash va tartibni saqlash;

- кир ювишда ёрдам бериш;

- kir yuvishda yordam berish;

- oziq-ovqat mahsulotlari, eng zarur tovarlar, dori-darmonlarni sotib olish va yetkazib berish;

- озиқ-овқат маҳсулотлари, энг зарур товарлар, дори-дармонларни сотиб олиш ва етказиб бериш;

- маиший чиқиндиларни олиб чиқиш;

- maishiy chiqindilarni olib chiqish;

- якка тартибдаги режада назарда тутилган бошқа маиший тадбирлар.

- yakka tartibdagi rejada nazarda tutilgan boshqa maishiy tadbirlar.

5.3.1.2 Кутилаётган натижа

5.3.1.2 Kutilayotgan natija

Хизмат олувчига унинг асосий маиший эҳтиёжларини қондириш учун зарур маиший ёрдам кўрсатилади.

Xizmat oluvchiga uning asosiy maishiy ehtiyojlarini qondirish uchun zarur maishiy yordam ko‘rsatiladi.

5.3.1.3 Натижага эришиш кўрсаткичлари

5.3.1.3 Natijaga erishish ko‘rsatkichlari

a) xizmat oluvchining turar joyi toza va tartibli saqlanadi;

а) хизмат олувчининг турар жойи тоза ва тартибли сақланади;

b) xizmat oluvchiga ovqat tayyorlash va ovqatlanishni tashkil etishda yordam ko‘rsatiladi;

б) хизмат олувчига овқат тайёрлаш ва овқатланишни ташкил этишда ёрдам кўрсатилади;

c) хизмат олувчининг кийимлари тоза ҳолатда сақланади;

c) xizmat oluvchining kiyimlari toza holatda saqlanadi;

д) озиқ-овқат маҳсулотлари, энг зарур товарлар ва дори воситаларини харид қилиш ва етказиб беришда ёрдам таъминланади;

d) oziq-ovqat mahsulotlari, eng zarur tovarlar va dori vositalarini xarid qilish va yetkazib berishda yordam ta’minlanadi;

э) маиший чиқиндилар заруратга қараб олиб чиқилади.

e) maishiy chiqindilar zaruratga qarab olib chiqiladi.

5.3.2 Гигиеник тадбирларни ўтказиш

5.3.2 Gigiyenik tadbirlarni o‘tkazish

5.3.2.1 Xizmat ko‘rsatuvchi xizmat oluvchining shaxsiy gigiyenasi, qulayligi va sog‘lig‘ini saqlashga qaratilgan gigiyenik chora-tadbirlarni amalga oshirishni ta’minlaydi. Gigiyenik chora-tadbirlar zarur hollarda quyidagilarni o‘z ichiga oladi:

5.3.2.1 Хизмат кўрсатувчи хизмат олувчининг шахсий гигиенаси, қулайлиги ва соғлиғини сақлашга қаратилган гигиеник чора-тадбирларни амалга оширишни таъминлайди. Гигиеник чора-тадбирлар зарур ҳолларда қуйидагиларни ўз ичига олади:

- юз ва қўлларни ювиш ҳамда парвариш қилишда ёрдам бериш;

- yuz va qo‘llarni yuvish hamda parvarish qilishda yordam berish;

- gigiyena muolajalarini o‘tkazishda yordam berish (tanani to‘liq yoki qisman yuvish);

- гигиена муолажаларини ўтказишда ёрдам бериш (танани тўлиқ ёки қисман ювиш);

- kiyimi va choyshablarini almashtirishda yordam berish;

- кийими ва чойшабларини алмаштиришда ёрдам бериш;

- soch parvarishida yordam berish;

- соч парваришида ёрдам бериш;

- озода ташқи кўринишни сақлашда ёрдам бериш;

- ozoda tashqi ko‘rinishni saqlashda yordam berish;

- yakka tartibdagi rejada nazarda tutilgan shaxsiy gigiyenani saqlash bo‘yicha boshqa tadbirlar.

- якка тартибдаги режада назарда тутилган шахсий гигиенани сақлаш бўйича бошқа тадбирлар.

5.3.2.2 Кутилаётган натижа

5.3.2.2 Kutilayotgan natija

Xizmat oluvchi shaxsiy gigiyena va ozoda tashqi ko‘rinishning zarur darajasini saqlaydi.

Хизмат олувчи шахсий гигиена ва озода ташқи кўринишнинг зарур даражасини сақлайди.

5.3.2.3 Natijaga erishish ko‘rsatkichlari

5.3.2.3 Натижага эришиш кўрсаткичлари

a) xizmat oluvchiga shaxsiy gigiyenani ta’minlashda yordam beriladi;

а) хизмат олувчига шахсий гигиенани таъминлашда ёрдам берилади;

б) хизмат олувчининг танаси, юзи, қўллари ва сочлари тоза сақланади;

b) xizmat oluvchining tanasi, yuzi, qo‘llari va sochlari toza saqlanadi;

c) хизмат олувчининг кийими ва чойшаблари заруратга кўра алмаштирилади;

c) xizmat oluvchining kiyimi va choyshablari zaruratga ko‘ra almashtiriladi;

д) хизмат олувчининг ташқи кўриниши озода ҳолатда сақланади;

d) xizmat oluvchining tashqi ko‘rinishi ozoda holatda saqlanadi;

e) gigiyenik tadbirlar sanitariya-gigiyena talablariga rioya qilingan holda bajariladi.

э) гигиеник тадбирлар санитария-гигиена талабларига риоя қилинган ҳолда бажарилади.

5.3.3 Хизмат олувчига ҳамроҳлик қилиш

5.3.3 Xizmat oluvchiga hamrohlik qilish

5.3.3.1 Xizmat ko‘rsatuvchi xizmat oluvchini turar joy hududida harakatlanish, shuningdek, tibbiy va sport muassasalariga tashrif buyurish paytida hamrohlik qilishni ta’minlaydi.

5.3.3.1 Хизмат кўрсатувчи хизмат олувчини турар жой ҳудудида ҳаракатланиш, шунингдек, тиббий ва спорт муассасаларига ташриф буюриш пайтида ҳамроҳлик қилишни таъминлайди.

5.3.3.2 Kutilayotgan natija

5.3.3.2 Кутилаётган натижа

Xizmat oluvchiga xavfsiz harakatlanish hamda zarur hollarda tibbiyot va sport muassasalariga tashrif buyurish imkoniyati ta’minlanadi.

Хизмат олувчига хавфсиз ҳаракатланиш ҳамда зарур ҳолларда тиббиёт ва спорт муассасаларига ташриф буюриш имконияти таъминланади.

5.3.3.3 Натижага эришиш кўрсаткичлари

5.3.3.3 Natijaga erishish ko‘rsatkichlari

a) xizmat oluvchi turar joy hududida zarur yordam bilan xavfsiz harakatlanish imkoniyatiga ega bo‘lsa.

а) хизмат олувчи турар жой ҳудудида зарур ёрдам билан хавфсиз ҳаракатланиш имкониятига эга бўлса.

б) хизмат олувчининг зарур ҳолларда тиббиёт ва спорт муассасаларига ташриф буюриш имконияти таъминланганлиги.

b) xizmat oluvchining zarur hollarda tibbiyot va sport muassasalariga tashrif buyurish imkoniyati ta’minlanganligi.

c) хизмат олувчини ҳамроҳлик қилишда унинг индивидуал эҳтиёжларини ҳисобга олган ҳолда реабилитациянинг зарур техник воситаларидан фойдаланилади (зарурат бўлганда);

c) xizmat oluvchini hamrohlik qilishda uning individual ehtiyojlarini hisobga olgan holda reabilitatsiyaning zarur texnik vositalaridan foydalaniladi (zarurat bo‘lganda);

д) ҳамроҳлик қилишда хизмат олувчининг соғлиғи ва функционал имкониятлари ҳисобга олинади.

d) hamrohlik qilishda xizmat oluvchining sog‘lig‘i va funksional imkoniyatlari hisobga olinadi.

5.3.4 Tyutorlik (mustaqillik ko‘nikmalarini o‘rgatish)

5.3.4 Тюторлик (мустақиллик кўникмаларини ўргатиш)

5.3.4.1 Хизмат кўрсатувчи хизмат олувчининг мустақиллик кўникмаларини ривожлантириш ва қўллаб-қувватлашга қаратилган тюторлик тадбирларини хизмат кўрсатишнинг якка тартибдаги режасида белгиланган ҳажмда ўтказишни таъминлайди.

5.3.4.1 Xizmat ko‘rsatuvchi xizmat oluvchining mustaqillik ko‘nikmalarini rivojlantirish va qo‘llab-quvvatlashga qaratilgan tyutorlik tadbirlarini xizmat ko‘rsatishning yakka tartibdagi rejasida belgilangan hajmda o‘tkazishni ta’minlaydi.

Tyutorlik xizmat oluvchining individual imkoniyatlari, sog‘lig‘i holati, funksional mustaqillik darajasi va mustaqillik ko‘nikmalariga o‘rgatish ehtiyojlarini hisobga olgan holda amalga oshiriladi. Tyutorlik tadbirlari zarur hollarda quyidagilarni o‘z ichiga oladi:

Тюторлик хизмат олувчининг индивидуал имкониятлари, соғлиғи ҳолати, функционал мустақиллик даражаси ва мустақиллик кўникмаларига ўргатиш эҳтиёжларини ҳисобга олган ҳолда амалга оширилади. Тюторлик тадбирлари зарур ҳолларда қуйидагиларни ўз ичига олади:

- o‘z-o‘ziga xizmat ko‘rsatish va kundalik hayotni tashkil etish ko‘nikmalarini o‘rgatish;

- ўз-ўзига хизмат кўрсатиш ва кундалик ҳаётни ташкил этиш кўникмаларини ўргатиш;

- maishiy texnikadan xavfsiz foydalanishni o‘rgatish;

- маиший техникадан хавфсиз фойдаланишни ўргатиш;

- рақамли қурилмалардан (телефон, планшет, компьютер) фойдаланишни ўргатиш;

- raqamli qurilmalardan (telefon, planshet, kompyuter) foydalanishni o‘rgatish;

- электрон давлат хизматларидан фойдаланишни ўргатиш;

- elektron davlat xizmatlaridan foydalanishni o‘rgatish;

- elektron xizmatlar va axborot resurslarini o‘zlashtirishda ko‘maklashish;

- электрон хизматлар ва ахборот ресурсларини ўзлаштиришда кўмаклашиш;

- xizmat oluvchining mustaqilligini oshirishga yordam beradigan yangi ko‘nikmalarni o‘zlashtirishda qo‘llab-quvvatlash.

- хизмат олувчининг мустақиллигини оширишга ёрдам берадиган янги кўникмаларни ўзлаштиришда қўллаб-қувватлаш.

5.3.4.2 Кутилаётган натижа

5.3.4.2 Kutilayotgan natija

Xizmat oluvchi kundalik harakatlarni mustaqil bajarish ko‘nikmalarini o‘zlashtiradi yoki saqlab qoladi.

Хизмат олувчи кундалик ҳаракатларни мустақил бажариш кўникмаларини ўзлаштиради ёки сақлаб қолади.

5.3.4.3 Натижага эришиш кўрсаткичлари

5.3.4.3 Natijaga erishish ko‘rsatkichlari

a) xizmat oluvchi yakka tartibdagi rejada nazarda tutilgan o‘z-o‘ziga xizmat ko‘rsatish ko‘nikmalarini o‘zlashtirgan yoki saqlab qolgan bo‘lsa;

а) хизмат олувчи якка тартибдаги режада назарда тутилган ўз-ўзига хизмат кўрсатиш кўникмаларини ўзлаштирган ёки сақлаб қолган бўлса;

б) хизмат олувчининг маиший ва (ёки) рақамли қурилмалардан ўз имкониятларига мос ҳажмда хавфсиз фойдаланиш имкониятига эга бўлса;

b) xizmat oluvchining maishiy va (yoki) raqamli qurilmalardan o‘z imkoniyatlariga mos hajmda xavfsiz foydalanish imkoniyatiga ega bo‘lsa;

c) хизмат олувчининг ўз имкониятларига мос ҳажмда электрон давлат ва бошқа онлайн хизматлардан фойдаланиш имкониятига эга бўлиши;

c) xizmat oluvchining o‘z imkoniyatlariga mos hajmda elektron davlat va boshqa onlayn xizmatlardan foydalanish imkoniyatiga ega bo‘lishi;

d) xizmat oluvchi kundalik harakatlarni bajarishda o‘zlashtirgan ko‘nikmalarini namoyish etadi.

д) хизмат олувчи кундалик ҳаракатларни бажаришда ўзлаштирган кўникмаларини намойиш этади.

5.4 Хизмат олувчини ҳимоя қилиш

5.4 Xizmat oluvchini himoya qilish

5.4.1 Xizmat oluvchini zo‘ravonlik, ekspluatatsiya va e’tiborsizlikdan himoya qilish

5.4.1 Хизмат олувчини зўравонлик, эксплуатация ва эътиборсизликдан ҳимоя қилиш

5.4.1.1 Xizmat ko‘rsatuvchi xizmat oluvchini xizmat ko‘rsatish jarayonida zo‘ravonlik, shafqatsiz muomala, ekspluatatsiya va e’tiborsizlikning barcha shakllaridan himoya qilishni ta’minlaydi.

5.4.1.1 Хизмат кўрсатувчи хизмат олувчини хизмат кўрсатиш жараёнида зўравонлик, шафқатсиз муомала, эксплуатация ва эътиборсизликнинг барча шаклларидан ҳимоя қилишни таъминлайди.

5.4.1.2 Kutilayotgan natija

5.4.1.2 Кутилаётган натижа

Xizmat ko‘rsatishda xizmat oluvchiga nisbatan zo‘ravonlik, ekspluatatsiya va e’tiborsizlik holatlarining oldini olish, aniqlash va ularga munosabat bildirish choralari ta’minlanadi.

Хизмат кўрсатишда хизмат олувчига нисбатан зўравонлик, эксплуатация ва эътиборсизлик ҳолатларининг олдини олиш, аниқлаш ва уларга муносабат билдириш чоралари таъминланади.

5.4.1.3 Натижага эришиш кўрсаткичлари

5.4.1.3 Natijaga erishish ko‘rsatkichlari

а) хизмат олувчига нисбатан зўравонлик, эксплуатация ва эътиборсизлик ҳолатларининг олдини олиш, аниқлаш ва уларга муносабат билдириш бўйича ички қоидалар ва тартиб-қоидаларнинг мавжудлиги ҳамда қўлланилиши;

a) xizmat oluvchiga nisbatan zo‘ravonlik, ekspluatatsiya va e’tiborsizlik holatlarining oldini olish, aniqlash va ularga munosabat bildirish bo‘yicha ichki qoidalar va tartib-qoidalarning mavjudligi hamda qo‘llanilishi;

б) зўравонлик, эксплуатация ва эътиборсизлик ҳолатлари ёки хавфи аниқланганда, улар хизмат кўрсатувчининг ички тартиб-қоидаларига мувофиқ кўриб чиқилади;

b) zo‘ravonlik, ekspluatatsiya va e’tiborsizlik holatlari yoki xavfi aniqlanganda, ular xizmat ko‘rsatuvchining ichki tartib-qoidalariga muvofiq ko‘rib chiqiladi;

c) xizmat oluvchining pul mablag‘lari, mol-mulki va hujjatlaridan shaxsiy maqsadlarda foydalanishni istisno etuvchi qoidalar mavjud bo‘lsa va qo‘llanilsa;

c) хизмат олувчининг пул маблағлари, мол-мулки ва ҳужжатларидан шахсий мақсадларда фойдаланишни истисно этувчи қоидалар мавжуд бўлса ва қўлланилса;

д) зўравонлик, эксплуатация ва эътиборсизлик ҳолатлари ёки хавфлари аниқланганда, уларни ҳужжатлаштириш ва хизмат кўрсатувчига белгиланган тартибда маълум қилиш таъминланади;

d) zo‘ravonlik, ekspluatatsiya va e’tiborsizlik holatlari yoki xavflari aniqlanganda, ularni hujjatlashtirish va xizmat ko‘rsatuvchiga belgilangan tartibda ma’lum qilish ta’minlanadi;

э) зўравонлик, эксплуатация ва эътиборсизлик ҳолатлари ёки хавфи аниқланганда, хизмат кўрсатувчининг ваколати доирасида чоралар кўрилади;

e) zo‘ravonlik, ekspluatatsiya va e’tiborsizlik holatlari yoki xavfi aniqlanganda, xizmat ko‘rsatuvchining vakolati doirasida choralar ko‘riladi;

f) xizmat oluvchiga zo‘ravonlik, ekspluatatsiya yoki e’tiborsizlik holatlari to‘g‘risida, shu jumladan maxfiy ravishda xabar berish imkoniyati berilgan bo‘lsa.

ф) хизмат олувчига зўравонлик, эксплуатация ёки эътиборсизлик ҳолатлари тўғрисида, шу жумладан махфий равишда хабар бериш имконияти берилган бўлса.

5.4.2 Xizmat ko‘rsatishda xavfsizlikni ta’minlash

5.4.2 Хизмат кўрсатишда хавфсизликни таъминлаш

5.4.2.1 Хизмат кўрсатувчи хизмат олувчи учун хавфсизлик талабларига риоя қилган ҳолда хизмат кўрсатишни таъминлайди.

5.4.2.1 Xizmat ko‘rsatuvchi xizmat oluvchi uchun xavfsizlik talablariga rioya qilgan holda xizmat ko‘rsatishni ta’minlaydi.

5.4.2.2 Kutilayotgan natija

5.4.2.2 Кутилаётган натижа

Xizmat xavfsiz usulda ko‘rsatiladi, xizmat ko‘rsatishda xizmat oluvchining xavfsizligiga ta’sir ko‘rsatishi mumkin bo‘lgan xatarlar aniqlanadi va hisobga olinadi.

Хизмат хавфсиз усулда кўрсатилади, хизмат кўрсатишда хизмат олувчининг хавфсизлигига таъсир кўрсатиши мумкин бўлган хатарлар аниқланади ва ҳисобга олинади.

5.4.2.3 Натижага эришиш кўрсаткичлари

5.4.2.3 Natijaga erishish ko‘rsatkichlari

a) xizmat ko‘rsatish xavfsizligiga ta’sir ko‘rsatishi mumkin bo‘lgan xavf omillari aniqlanadi va hisobga olinadi;

а) хизмат кўрсатиш хавфсизлигига таъсир кўрсатиши мумкин бўлган хавф омиллари аниқланади ва ҳисобга олинади;

b) yordam ko‘rsatishning xavfsiz usullari, shu jumladan xizmat oluvchining xavfsiz harakatlanish usullari va yiqilish hamda jarohatlanishning oldini olish choralari qo‘llaniladi;

б) ёрдам кўрсатишнинг хавфсиз усуллари, шу жумладан хизмат олувчининг хавфсиз ҳаракатланиш усуллари ва йиқилиш ҳамда жароҳатланишнинг олдини олиш чоралари қўлланилади;

c) xizmat ko‘rsatishda sanitariya-gigiyena talablariga va infeksiyalarning oldini olish choralariga rioya etilsa;

c) хизмат кўрсатишда санитария-гигиена талабларига ва инфекцияларнинг олдини олиш чораларига риоя этилса;

d) xizmat oluvchiga uy sharoitida xavfsizlik choralari va xavflarni kamaytirish bo‘yicha tavsiyalar beriladi;

д) хизмат олувчига уй шароитида хавфсизлик чоралари ва хавфларни камайтириш бўйича тавсиялар берилади;

э) аниқланган хавфлар ва фавқулодда ҳолатлар ҳужжатлаштирилади, улар тўғрисидаги маълумотлардан эса хизмат олувчининг хавфсизлигини таъминлаш чораларини кўриш учун фойдаланилади;

e) aniqlangan xavflar va favqulodda holatlar hujjatlashtiriladi, ular to‘g‘risidagi ma’lumotlardan esa xizmat oluvchining xavfsizligini ta’minlash choralarini ko‘rish uchun foydalaniladi;

f) xizmat oluvchining turar joyiga kirish kalitlari, kirish kodlari yoki boshqa kirish vositalari mavjud bo‘lgan taqdirda, ularning hisobga olinishi, xavfsiz saqlanishi, faqat xizmat ko‘rsatish maqsadlarida foydalanilishi va qaytarilishi ta’minlanadi.

ф) хизмат олувчининг турар жойига кириш калитлари, кириш кодлари ёки бошқа кириш воситалари мавжуд бўлган тақдирда, уларнинг ҳисобга олиниши, хавфсиз сақланиши, фақат хизмат кўрсатиш мақсадларида фойдаланилиши ва қайтарилиши таъминланади.

5.4.3 Хизмат олувчи тўғрисидаги маълумотларнинг махфийлиги ва ҳимояси

5.4.3 Xizmat oluvchi to‘g‘risidagi ma’lumotlarning maxfiyligi va himoyasi

5.4.3.1 Хизмат кўрсатувчи хизматни олувчи ҳақидаги шахсий маълумотларнинг ҳимоясини ва маълумотларнинг махфийлигини таъминлайди.

5.4.3.1 Xizmat ko‘rsatuvchi xizmatni oluvchi haqidagi shaxsiy ma’lumotlarning himoyasini va ma’lumotlarning maxfiyligini ta’minlaydi.

5.4.3.2 Kutilayotgan natija

5.4.3.2 Кутилаётган натижа

Хизмат олувчи ҳақидаги маълумотлардан махфийлик ва шахсий маълумотларни ҳимоя қилиш талабларига риоя қилган ҳолда фойдаланилади, сақланади ва юборилади.

Xizmat oluvchi haqidagi ma’lumotlardan maxfiylik va shaxsiy ma’lumotlarni himoya qilish talablariga rioya qilgan holda foydalaniladi, saqlanadi va yuboriladi.

5.4.3.3 Натижага эришиш кўрсаткичлари

5.4.3.3 Natijaga erishish ko‘rsatkichlari

а) хизмат олувчилар тўғрисидаги маълумотларнинг махфийлигини таъминлашнинг ички тартиб-таомиллари мавжуд ва қўлланилади;

a) xizmat oluvchilar to‘g‘risidagi ma’lumotlarning maxfiyligini ta’minlashning ichki tartib-taomillari mavjud va qo‘llaniladi;

б) хизмат олувчи тўғрисидаги маълумотлардан, шахсий маълумотларни ўз ичига олган ҳужжатлар ва қайдлардан фақат ўз вазифаларини бажариш учун зарур бўлган ходимларгина фойдаланишлари мумкин;

b) xizmat oluvchi to‘g‘risidagi ma’lumotlardan, shaxsiy ma’lumotlarni o‘z ichiga olgan hujjatlar va qaydlardan faqat o‘z vazifalarini bajarish uchun zarur bo‘lgan xodimlargina foydalanishlari mumkin;

c) хизмат олувчининг ёки унинг қонуний вакилининг розилигисиз учинчи шахсларга маълумот беришга йўл қўймаслик, қонун ҳужжатларида назарда тутилган ҳоллар бундан мустасно;

c) xizmat oluvchining yoki uning qonuniy vakilining roziligisiz uchinchi shaxslarga ma’lumot berishga yo‘l qo‘ymaslik, qonun hujjatlarida nazarda tutilgan hollar bundan mustasno;

д) шахсий маълумотларни ўз ичига олган ҳужжатлар ва қайдлар йўқолиш, шикастланиш ва рухсатсиз фойдаланишдан ҳимояланган бўлса.

d) shaxsiy ma’lumotlarni o‘z ichiga olgan hujjatlar va qaydlar yo‘qolish, shikastlanish va ruxsatsiz foydalanishdan himoyalangan bo‘lsa.

5.4.4 Мурожаат ва шикоятларни кўриб чиқиш

5.4.4 Murojaat va shikoyatlarni ko‘rib chiqish

5.4.4.1 Xizmat ko‘rsatuvchi xizmat oluvchining murojaat va shikoyatlarini taqdim etish hamda ko‘rib chiqish imkoniyatini ta’minlaydi.

5.4.4.1 Хизмат кўрсатувчи хизмат олувчининг мурожаат ва шикоятларини тақдим этиш ҳамда кўриб чиқиш имкониятини таъминлайди.

5.4.4.2 Кутилаётган натижа

5.4.4.2 Kutilayotgan natija

Хизмат олувчи мурожаат ёки шикоят бериш ва уларни кўриб чиқиш натижалари тўғрисида маълумот олиш имкониятига эга.

Xizmat oluvchi murojaat yoki shikoyat berish va ularni ko‘rib chiqish natijalari to‘g‘risida ma’lumot olish imkoniyatiga ega.

5.4.4.3 Натижага эришиш кўрсаткичлари

5.4.4.3 Natijaga erishish ko‘rsatkichlari

a) murojaat va shikoyatlarni ko‘rib chiqishning ichki tartib-taomillari mavjud va qo‘llaniladi;

а) мурожаат ва шикоятларни кўриб чиқишнинг ички тартиб-таомиллари мавжуд ва қўлланилади;

б) хизмат олувчига мурожаат ва шикоятлар бериш тартиби тўғрисида маълумот тақдим этилган бўлса;

b) xizmat oluvchiga murojaat va shikoyatlar berish tartibi to‘g‘risida ma’lumot taqdim etilgan bo‘lsa;

c) murojaat va shikoyatlar xizmat ko‘rsatuvchining ichki tartib-qoidalariga muvofiq ro‘yxatga olinadi va ko‘rib chiqiladi;

c) мурожаат ва шикоятлар хизмат кўрсатувчининг ички тартиб-қоидаларига мувофиқ рўйхатга олинади ва кўриб чиқилади;

d) murojaat va shikoyatlarni ko‘rib chiqish natijalari bo‘yicha tegishli choralar ko‘riladi;

д) мурожаат ва шикоятларни кўриб чиқиш натижалари бўйича тегишли чоралар кўрилади;

e) xizmat oluvchiga xizmat ko‘rsatish shartlarini buzish xavfi bo‘lmagan holda murojaat yoki shikoyat berish imkoniyati ta’minlangan bo‘lsa.

э) хизмат олувчига хизмат кўрсатиш шартларини бузиш хавфи бўлмаган ҳолда мурожаат ёки шикоят бериш имконияти таъминланган бўлса.

5.5 Ходимларни бошқариш

5.5 Xodimlarni boshqarish

5.5.1 Ходимлар билан таъминланганлик

5.5.1 Xodimlar bilan ta’minlanganlik

5.5.1.1 Хизмат кўрсатувчи хизмат кўрсатиш учун зарур малакага эга бўлган ходимларнинг етарли сонини таъминлайди.

5.5.1.1 Xizmat ko‘rsatuvchi xizmat ko‘rsatish uchun zarur malakaga ega bo‘lgan xodimlarning yetarli sonini ta’minlaydi.

5.5.1.2 Kutilayotgan natija

5.5.1.2 Кутилаётган натижа

Xizmat ko‘rsatish xizmatni sifatli va xavfsiz ko‘rsatish uchun zarur kompetensiyaga (bilim, ko‘nikma va tajribaga) ega bo‘lgan xodimlarning yetarli soni bilan ta’minlanadi.

Хизмат кўрсатиш хизматни сифатли ва хавфсиз кўрсатиш учун зарур компетенцияга (билим, кўникма ва тажрибага) эга бўлган ходимларнинг етарли сони билан таъминланади.

5.5.1.3 Натижага эришиш кўрсаткичлари

5.5.1.3 Natijaga erishish ko‘rsatkichlari

а) ходимлар сони кўрсатилаётган хизмат ҳажми ва хизмат олувчилар сонига мувофиқ бўлса;

a) xodimlar soni ko‘rsatilayotgan xizmat hajmi va xizmat oluvchilar soniga muvofiq bo‘lsa;

b) xodimlar ta’lim, kasbiy tayyorgarlik yoki tajribaga qo‘yiladigan talablarga javob bersa;

б) ходимлар таълим, касбий тайёргарлик ёки тажрибага қўйиладиган талабларга жавоб берса;

s) xizmat ko‘rsatishda tegishli funksiyalarning bajarilishi uchun mas’ul xodimlar belgilanganligi;

с) хизмат кўрсатишда тегишли функцияларнинг бажарилиши учун масъул ходимлар белгиланганлиги;

д) ходимлар ўз вазифаларини бажаришни бошлашдан олдин лавозим йўриқномалари, ички қоида ва тартиб-қоидалар, хизмат кўрсатиш қоидалари ҳамда ушбу стандарт талаблари билан таништирилган бўлса;

d) xodimlar o‘z vazifalarini bajarishni boshlashdan oldin lavozim yo‘riqnomalari, ichki qoida va tartib-qoidalar, xizmat ko‘rsatish qoidalari hamda ushbu standart talablari bilan tanishtirilgan bo‘lsa;

e) shartnoma asosida jalb etiladigan xodimlarga nisbatan ularning tegishli funksiyalarni bajarishga layoqatliligi tasdiqlangan bo‘lsa.

э) шартнома асосида жалб этиладиган ходимларга нисбатан уларнинг тегишли функцияларни бажаришга лаёқатлилиги тасдиқланган бўлса.

5.5.2 Ходимларни ўқитиш жараёнини бошқариш

5.5.2 Xodimlarni o‘qitish jarayonini boshqarish

5.5.2.1 Хизмат кўрсатувчи хизмат кўрсатувчи ходимларнинг дастлабки тайёргарлиги ва узлуксиз касбий таълимини таъминлайди.

5.5.2.1 Xizmat ko‘rsatuvchi xizmat ko‘rsatuvchi xodimlarning dastlabki tayyorgarligi va uzluksiz kasbiy ta’limini ta’minlaydi.

5.5.2.2 Kutilayotgan natija

5.5.2.2 Кутилаётган натижа

Xodimlar sifatli va xavfsiz xizmat ko‘rsatish uchun zarur bo‘lgan malakaga ega bo‘lib, bu malaka oshirish va o‘qitish orqali qo‘llab-quvvatlanadi.

Ходимлар сифатли ва хавфсиз хизмат кўрсатиш учун зарур бўлган малакага эга бўлиб, бу малака ошириш ва ўқитиш орқали қўллаб-қувватланади.

5.5.2.3 Natijaga erishish ko‘rsatkichlari

5.5.2.3 Натижага эришиш кўрсаткичлари

а) ходимларни тайёрлашга бўлган эҳтиёж бажариладиган функциялар, малакани баҳолаш натижалари ва хизмат кўрсатишни ташкил этишдаги ўзгаришларни ҳисобга олган ҳолда аниқланади;

a) xodimlarni tayyorlashga bo‘lgan ehtiyoj bajariladigan funksiyalar, malakani baholash natijalari va xizmat ko‘rsatishni tashkil etishdagi o‘zgarishlarni hisobga olgan holda aniqlanadi;

б) ходимларни тайёрлаш ва ўқитиш уларнинг малакасини ошириш эҳтиёжларини ҳисобга олган ҳолда режалаштирилади ва ходимларни тайёрлаш режасига мувофиқ амалга оширилади;

b) xodimlarni tayyorlash va o‘qitish ularning malakasini oshirish ehtiyojlarini hisobga olgan holda rejalashtiriladi va xodimlarni tayyorlash rejasiga muvofiq amalga oshiriladi;

c) xodimlar xizmat ko‘rsatish va o‘z vazifalarini xavfsiz bajarish masalalari bo‘yicha muntazam ravishda o‘qitib boriladi;

c) ходимлар хизмат кўрсатиш ва ўз вазифаларини хавфсиз бажариш масалалари бўйича мунтазам равишда ўқитиб борилади;

д) тайёрлаш ва ўқитиш самарадорлиги баҳоланади, баҳолаш натижаларидан эса ходимларни келгусида ўқитиш ва малакасини ривожлантиришни режалаштиришда фойдаланилади;

d) tayyorlash va o‘qitish samaradorligi baholanadi, baholash natijalaridan esa xodimlarni kelgusida o‘qitish va malakasini rivojlantirishni rejalashtirishda foydalaniladi;

э) ходимларни тайёрлаш, ўқитиш, уларнинг малакасини ошириш натижалари, шунингдек ўқитиш самарадорлигини баҳолаш натижалари ҳужжатлаштирилади.

e) xodimlarni tayyorlash, o‘qitish, ularning malakasini oshirish natijalari, shuningdek o‘qitish samaradorligini baholash natijalari hujjatlashtiriladi.

5.5.3 Ходимлар малакаси мониторинги

5.5.3 Xodimlar malakasi monitoringi

5.5.3.1 Хизмат кўрсатувчи хизмат кўрсатувчи ходимларнинг касбий тайёргарлигини баҳолаш ва зарур даражада сақлаб туриш мақсадида уларнинг малакасини мониторинг қилишни таъминлайди.

5.5.3.1 Xizmat ko‘rsatuvchi xizmat ko‘rsatuvchi xodimlarning kasbiy tayyorgarligini baholash va zarur darajada saqlab turish maqsadida ularning malakasini monitoring qilishni ta’minlaydi.

5.5.3.2 Kutilayotgan natija

5.5.3.2 Кутилаётган натижа

Хизмат кўрсатувчи ходимларнинг малакаси баҳоланади, мониторинг натижаларидан эса уларнинг касбий ривожланиши ва хизмат кўрсатиш сифатини ошириш учун фойдаланилади.

Xizmat ko‘rsatuvchi xodimlarning malakasi baholanadi, monitoring natijalaridan esa ularning kasbiy rivojlanishi va xizmat ko‘rsatish sifatini oshirish uchun foydalaniladi.

5.5.3.3 Натижага эришиш кўрсаткичлари

5.5.3.3 Natijaga erishish ko‘rsatkichlari

а) ходимларнинг компетентлиги белгиланган баҳолаш усулларидан фойдаланган ҳолда баҳоланади;

a) xodimlarning kompetentligi belgilangan baholash usullaridan foydalangan holda baholanadi;

б) мониторинг натижаларидан ходимларни ўқитиш, назорат қилиш ва касбий қўллаб-қувватлашнинг бошқа шаклларига бўлган эҳтиёжни аниқлаш учун фойдаланилади;

b) monitoring natijalaridan xodimlarni o‘qitish, nazorat qilish va kasbiy qo‘llab-quvvatlashning boshqa shakllariga bo‘lgan ehtiyojni aniqlash uchun foydalaniladi;

c) monitoring natijalariga ko‘ra xodimlarning malakasini oshirish choralari ko‘riladi;

c) мониторинг натижаларига кўра ходимларнинг малакасини ошириш чоралари кўрилади;

д) компетентлик мониторинги натижалари ҳужжатлаштирилади.

d) kompetentlik monitoringi natijalari hujjatlashtiriladi.

5.5.4 Superviziya va professional yordam

5.5.4 Супервизия ва профессионал ёрдам

5.5.4.1 Хизмат кўрсатувчи хизмат кўрсатиш сифатини ошириш, касбий толиқишнинг олдини олиш ва хизмат кўрсатишда юзага келадиган касбий масалаларни ҳал қилиш мақсадида хизмат кўрсатувчи ходимларнинг назорати ва касбий қўллаб-қувватлашини таъминлайди.

5.5.4.1 Xizmat ko‘rsatuvchi xizmat ko‘rsatish sifatini oshirish, kasbiy toliqishning oldini olish va xizmat ko‘rsatishda yuzaga keladigan kasbiy masalalarni hal qilish maqsadida xizmat ko‘rsatuvchi xodimlarning nazorati va kasbiy qo‘llab-quvvatlashini ta’minlaydi.

5.5.4.2 Кутилаётган натижа

5.5.4.2 Kutilayotgan natija

Ходимларга хизмат кўрсатишда касбий кўникмаларни ривожлантириш ва қўллаб-қувватлаш ҳамда касбий масалаларни самарали ҳал этишга кўмаклашувчи касбий ва услубий ёрдам кўрсатилади.

Xodimlarga xizmat ko‘rsatishda kasbiy ko‘nikmalarni rivojlantirish va qo‘llab-quvvatlash hamda kasbiy masalalarni samarali hal etishga ko‘maklashuvchi kasbiy va uslubiy yordam ko‘rsatiladi.

5.5.4.3 Natijaga erishish ko‘rsatkichlari

5.5.4.3 Натижага эришиш кўрсаткичлари

а) ходимларни назорат қилиш белгиланган тартибга мувофиқ амалга оширилади;

a) xodimlarni nazorat qilish belgilangan tartibga muvofiq amalga oshiriladi;

b) murakkab holatlar va kasbiy qiyinchiliklar superviziya yoki kasbiy maslahatlar davomida ko‘rib chiqiladi;

б) мураккаб ҳолатлар ва касбий қийинчиликлар супервизия ёки касбий маслаҳатлар давомида кўриб чиқилади;

c) ходимларга хизмат кўрсатиш масалалари бўйича услубий ва касбий ёрдам кўрсатилади;

c) xodimlarga xizmat ko‘rsatish masalalari bo‘yicha uslubiy va kasbiy yordam ko‘rsatiladi;

д) супервизия натижаларидан ходимларни тайёрлаш, касбий ривожлантириш ва услубий қўллаб-қувватлашни режалаштиришда фойдаланилади.

d) superviziya natijalaridan xodimlarni tayyorlash, kasbiy rivojlantirish va uslubiy qo‘llab-quvvatlashni rejalashtirishda foydalaniladi.

5.6 Xizmatni tashkil etish va jihozlar bilan ta’minlash

5.6 Хизматни ташкил этиш ва жиҳозлар билан таъминлаш

5.6.1 Xizmat ko‘rsatuvchi xodimlarning ta’minlanganligi

5.6.1 Хизмат кўрсатувчи ходимларнинг таъминланганлиги

5.6.1.1 Хизмат кўрсатувчи хизмат кўрсатувчи ходимларни хавфсиз ва сифатли хизмат кўрсатиш учун зарур бўлган ташкилий шароит, ускуна, материал ва ахборот ресурслари билан таъминлайди.

5.6.1.1 Xizmat ko‘rsatuvchi xizmat ko‘rsatuvchi xodimlarni xavfsiz va sifatli xizmat ko‘rsatish uchun zarur bo‘lgan tashkiliy sharoit, uskuna, material va axborot resurslari bilan ta’minlaydi.

5.6.1.2 Kutilayotgan natija

5.6.1.2 Кутилаётган натижа

Ходимлар сифатли ва хавфсиз хизмат кўрсатиш учун зарур манбалар ва шароитлар билан таъминланган.

Xodimlar sifatli va xavfsiz xizmat ko‘rsatish uchun zarur manbalar va sharoitlar bilan ta’minlangan.

5.6.1.3 Натижага эришиш кўрсаткичлари

5.6.1.3 Natijaga erishish ko‘rsatkichlari

а) ходимлар хизмат кўрсатиш учун зарур бўлган долзарб услубий материал ва йўриқномалар билан таъминланган;

a) xodimlar xizmat ko‘rsatish uchun zarur bo‘lgan dolzarb uslubiy material va yo‘riqnomalar bilan ta’minlangan;

b) xodimlar xizmat ko‘rsatishni hujjatlashtirish va xizmat ma’lumotlarini yetkazish uchun aloqa vositalari va zarur hollarda texnik vositalar bilan ta’minlangan bo‘lsa;

б) ходимлар хизмат кўрсатишни ҳужжатлаштириш ва хизмат маълумотларини етказиш учун алоқа воситалари ва зарур ҳолларда техник воситалар билан таъминланган бўлса;

c) xodimlar xizmatni xavfsiz ko‘rsatish uchun zarur bo‘lgan sarflash materiallari va shaxsiy himoya vositalari bilan ta’minlangan bo‘lsa;

c) ходимлар хизматни хавфсиз кўрсатиш учун зарур бўлган сарфлаш материаллари ва шахсий ҳимоя воситалари билан таъминланган бўлса;

d) xizmat ko‘rsatishda foydalaniladigan uskuna va jihozlar soz va xavfsiz holatda bo‘lishi;

д) хизмат кўрсатишда фойдаланиладиган ускуна ва жиҳозлар соз ва хавфсиз ҳолатда бўлиши;

э) ходимларга ўз ваколатлари доирасида лавозим мажбуриятларини бажариш учун зарур бўлган ҳужжат ва маълумотлардан фойдаланиш имконияти таъминланганлиги.

e) xodimlarga o‘z vakolatlari doirasida lavozim majburiyatlarini bajarish uchun zarur bo‘lgan hujjat va ma’lumotlardan foydalanish imkoniyati ta’minlanganligi.

5.6.2 Xizmat ko‘rsatuvchi xodimning hayoti va sog‘lig‘i xavfsizligini ta’minlash

5.6.2 Хизмат кўрсатувчи ходимнинг ҳаёти ва соғлиғи хавфсизлигини таъминлаш

5.6.2.1 Xizmat ko‘rsatuvchi xodimlarning xizmat ko‘rsatishda o‘z vazifalarini xavfsiz bajarishlari uchun shart-sharoitlarni ta’minlaydi.

5.6.2.1 Хизмат кўрсатувчи ходимларнинг хизмат кўрсатишда ўз вазифаларини хавфсиз бажаришлари учун шарт-шароитларни таъминлайди.

5.6.2.2 Kutilayotgan natija

5.6.2.2 Кутилаётган натижа

Xizmat ko‘rsatishda xodimlarning hayoti va sog‘lig‘ini himoya qilish hamda kasbiy xavf-xatarlarni kamaytirishga qaratilgan chora-tadbirlar ta’minlanadi.

Хизмат кўрсатишда ходимларнинг ҳаёти ва соғлиғини ҳимоя қилиш ҳамда касбий хавф-хатарларни камайтиришга қаратилган чора-тадбирлар таъминланади.

5.6.2.3 Natijaga erishish ko‘rsatkichlari

5.6.2.3 Натижага эришиш кўрсаткичлари

а) хизмат кўрсатишда ходимларнинг хавфсизлигига таъсир кўрсатиши мумкин бўлган хавфлар аниқланади ва ҳисобга олинади;

a) xizmat ko‘rsatishda xodimlarning xavfsizligiga ta’sir ko‘rsatishi mumkin bo‘lgan xavflar aniqlanadi va hisobga olinadi;

б) фавқулодда ҳолатлар ва хавфсизлик таҳдидлари пайтида ходимларнинг хатти-ҳаракатлари бўйича йўриқномалар мавжудлиги ва қўлланилиши;

b) favqulodda holatlar va xavfsizlik tahdidlari paytida xodimlarning xatti-harakatlari bo‘yicha yo‘riqnomalar mavjudligi va qo‘llanilishi;

c) xodimlar potentsial xavfli holatlarda ishlarni bajarishning xavfsiz usullari va harakatlar bo‘yicha yo‘riqnoma oladilar va o‘qitiladilar;

c) ходимлар потенциал хавфли ҳолатларда ишларни бажаришнинг хавфсиз усуллари ва ҳаракатлар бўйича йўриқнома оладилар ва ўқитиладилар;

d) xodimlarga xavf-xatarlar, xavfsizlikka tahdidlar va favqulodda vaziyatlar haqida xabar berish uchun xizmat ko‘rsatuvchi bilan tezkor bog‘lanish imkoniyati ta’minlangan bo‘lsa;

д) ходимларга хавф-хатарлар, хавфсизликка таҳдидлар ва фавқулодда вазиятлар ҳақида хабар бериш учун хизмат кўрсатувчи билан тезкор боғланиш имконияти таъминланган бўлса;

e) xodimlar xizmat ko‘rsatishda xavflarni kamaytirish uchun zarur bo‘lgan shaxsiy himoya vositalari va boshqa vositalar bilan ta’minlangan bo‘lsa;

э) ходимлар хизмат кўрсатишда хавфларни камайтириш учун зарур бўлган шахсий ҳимоя воситалари ва бошқа воситалар билан таъминланган бўлса;

ф) ходимларнинг ҳаёти ва соғлиғига хавф туғдирадиган вазиятларнинг олдини олиш чоралари кўрилади.

f) xodimlarning hayoti va sog‘lig‘iga xavf tug‘diradigan vaziyatlarning oldini olish choralari ko‘riladi.

5.6.3 Hujjatlashtirish va qaydlarni yuritish

5.6.3 Ҳужжатлаштириш ва қайдларни юритиш

5.6.3.1 Хизмат кўрсатувчи хизматни ташкил этиш ва кўрсатиш билан боғлиқ ҳужжат ва қайдларни бошқаришни, шу жумладан уларни яратиш, янгилаш, сақлаш, ҳимоя қилиш ва фойдаланишни таъминлайди. Ҳужжат ва қайдлар қоғоз ва (ёки) электрон манбаларда юритилиши мумкин.

5.6.3.1 Xizmat ko‘rsatuvchi xizmatni tashkil etish va ko‘rsatish bilan bog‘liq hujjat va qaydlarni boshqarishni, shu jumladan ularni yaratish, yangilash, saqlash, himoya qilish va foydalanishni ta’minlaydi. Hujjat va qaydlar qog‘oz va (yoki) elektron manbalarda yuritilishi mumkin.

5.6.3.2 Кутилаётган натижа

5.6.3.2 Kutilayotgan natija

Hujjat va qaydlar tizimli ravishda yuritiladi, xizmat ko‘rsatishning kuzatuvchanligini, ushbu standart talablarining bajarilishini tasdiqlashni va xizmat ko‘rsatish sifatini nazorat qilish imkoniyatini ta’minlaydi.

Ҳужжат ва қайдлар тизимли равишда юритилади, хизмат кўрсатишнинг кузатувчанлигини, ушбу стандарт талабларининг бажарилишини тасдиқлашни ва хизмат кўрсатиш сифатини назорат қилиш имкониятини таъминлайди.

5.6.3.3 Natijaga erishish ko‘rsatkichlari

5.6.3.3 Натижага эришиш кўрсаткичлари

5.6.3.3.1 Xizmat ko‘rsatuvchi quyidagi hujjatlarning mavjudligi va boshqarilishini ta’minlaydi:

5.6.3.3.1 Хизмат кўрсатувчи қуйидаги ҳужжатларнинг мавжудлиги ва бошқарилишини таъминлайди:

a) ushbu milliy standart;

а) ушбу миллий стандарт;

б) ички ташкилий, услубий ва тартиб-таомил ҳужжатлари

b) ichki tashkiliy, uslubiy va tartib-taomil hujjatlari

(масалан: услубий материаллар, йўриқномалар, хизматнинг алоҳида тадбирларини кўрсатиш бўйича стандарт тезкор тартиб-таомиллар, хизматни ташкил этиш ва фаолият кўрсатишнинг ички қоидалари, регламентлари ва тартиб-таомиллари);

(masalan: uslubiy materiallar, yo‘riqnomalar, xizmatning alohida tadbirlarini ko‘rsatish bo‘yicha standart tezkor tartib-taomillar, xizmatni tashkil etish va faoliyat ko‘rsatishning ichki qoidalari, reglamentlari va tartib-taomillari);

c) xodimlarning lavozim yo‘riqnomalari;

c) ходимларнинг лавозим йўриқномалари;

d) xodimlarni boshqarish bo‘yicha hujjatlar (xodimlarning kompetensiyalari tavsifi, xodimlarni tayyorlash va o‘qitish reja va dasturlari, xodimlarning malakasini baholash va kasbiy rivojlantirish bo‘yicha hujjatlar);

д) ходимларни бошқариш бўйича ҳужжатлар (ходимларнинг компетенциялари тавсифи, ходимларни тайёрлаш ва ўқитиш режа ва дастурлари, ходимларнинг малакасини баҳолаш ва касбий ривожлантириш бўйича ҳужжатлар);

e) xizmatni tashkil etish va faoliyat ko‘rsatishi uchun zarur bo‘lgan boshqa hujjatlar.

э) хизматни ташкил этиш ва фаолият кўрсатиши учун зарур бўлган бошқа ҳужжатлар.

5.6.3.3.2 Xizmat ko‘rsatuvchi quyidagi qaydlarni yuritish va saqlashni ta’minlaydi:

5.6.3.3.2 Хизмат кўрсатувчи қуйидаги қайдларни юритиш ва сақлашни таъминлайди:

a) xizmat oluvchining shaxsiy yig‘majildini shakllantiruvchi qaydlar:

а) хизмат олувчининг шахсий йиғмажилдини шакллантирувчи қайдлар:

- shaxsni o‘zgalar parvarishiga muhtoj deb topish to‘g‘risidagi hujjat;

- шахсни ўзгалар парваришига муҳтож деб топиш тўғрисидаги ҳужжат;

- якка тартибдаги муҳтожликни баҳолаш натижалари бўйича ишчи гуруҳ хулосаси;

- yakka tartibdagi muhtojlikni baholash natijalari bo‘yicha ishchi guruh xulosasi;

- xizmatni oluvchining qabul qilinganligi to‘g‘risidagi qaydlar;

- хизматни олувчининг қабул қилинганлиги тўғрисидаги қайдлар;

- xizmat ko‘rsatish to‘g‘risidagi shartnoma;

- хизмат кўрсатиш тўғрисидаги шартнома;

- yakka tartibdagi reja;

- якка тартибдаги режа;

- амалда кўрсатилган тадбирлар тўғрисидаги қайдлар;

- amalda ko‘rsatilgan tadbirlar to‘g‘risidagi qaydlar;

- xizmat ko‘rsatish jarayoni va xizmat oluvchining holatidagi o‘zgarishlar to‘g‘risidagi qaydlar;

- хизмат кўрсатиш жараёни ва хизмат олувчининг ҳолатидаги ўзгаришлар тўғрисидаги қайдлар;

- якка тартибдаги режанинг мониторинги ва қайта кўриб чиқилиши тўғрисидаги қайдлар;

- yakka tartibdagi rejaning monitoringi va qayta ko‘rib chiqilishi to‘g‘risidagi qaydlar;

- якка тартибдаги муҳтожликни даврий қайта баҳолаш тўғрисидаги ҳужжатлар;

- yakka tartibdagi muhtojlikni davriy qayta baholash to‘g‘risidagi hujjatlar;

- хизмат кўрсатиш тўхтатилганлигини тасдиқловчи қайдлар ва/ёки ҳужжатлар;

- xizmat ko‘rsatish to‘xtatilganligini tasdiqlovchi qaydlar va/yoki hujjatlar;

c) хизмат олувчи билан ўзаро алоқалар бўйича қайдлар:

c) xizmat oluvchi bilan o‘zaro aloqalar bo‘yicha qaydlar:

- murojaatlar, shikoyatlar va takliflar to‘g‘risidagi qaydlar;

- мурожаатлар, шикоятлар ва таклифлар тўғрисидаги қайдлар;

- xizmatdan foydalanuvchilarning fikr-mulohazalari haqidagi qaydlar;

- хизматдан фойдаланувчиларнинг фикр-мулоҳазалари ҳақидаги қайдлар;

d) xodimlar bo‘yicha qaydlar:

д) ходимлар бўйича қайдлар:

- xodimlarga yo‘riqnomalar berish va ularni o‘qitish to‘g‘risidagi qaydlar;

- ходимларга йўриқномалар бериш ва уларни ўқитиш тўғрисидаги қайдлар;

- ходимларнинг малакасини ошириш тўғрисидаги қайдлар;

- xodimlarning malakasini oshirish to‘g‘risidagi qaydlar;

- назорат ўтказилганлиги тўғрисидаги қайдлар;

- nazorat o‘tkazilganligi to‘g‘risidagi qaydlar;

- xodimlarning malakasi monitoringi to‘g‘risidagi qaydlar;

- ходимларнинг малакаси мониторинги тўғрисидаги қайдлар;

- ходимларни тайёрлаш ва ўқитиш самарадорлигини баҳолаш тўғрисидаги қайдлар.

- xodimlarni tayyorlash va o‘qitish samaradorligini baholash to‘g‘risidagi qaydlar.

5.6.3.3.3 Xizmat ko‘rsatuvchi hujjat va qaydlarni boshqarishda quyidagilarni amalga oshiradi:

5.6.3.3.3 Хизмат кўрсатувчи ҳужжат ва қайдларни бошқаришда қуйидагиларни амалга оширади:

а) ҳужжат ва қайдларни идентификациялаш, долзарблаштириш, сақлаш, муҳофаза қилиш ва архивлаштириш;

a) hujjat va qaydlarni identifikatsiyalash, dolzarblashtirish, saqlash, muhofaza qilish va arxivlashtirish;

б) ҳужжат ва қайдларни йўқолиш, шикастланиш ёки рухсатсиз фойдаланишдан ҳимоя қилиш;

b) hujjat va qaydlarni yo‘qolish, shikastlanish yoki ruxsatsiz foydalanishdan himoya qilish;

c) шахсий маълумотларнинг махфийлиги талабларига риоя қилиш;

c) shaxsiy ma’lumotlarning maxfiyligi talablariga rioya qilish;

д) ҳужжат ва қайдлардан фақат ходимларнинг ўз ваколатлари доирасида фойдаланиши;

d) hujjat va qaydlardan faqat xodimlarning o‘z vakolatlari doirasida foydalanishi;

e) hujjat va qaydlarni xizmat ko‘rsatishning kuzatib borilishini ta’minlaydigan va belgilangan talablarga muvofiq bo‘lgan muddat davomida saqlash;

э) ҳужжат ва қайдларни хизмат кўрсатишнинг кузатиб борилишини таъминлайдиган ва белгиланган талабларга мувофиқ бўлган муддат давомида сақлаш;

f) xizmat ko‘rsatish bo‘yicha amalda bajarilgan tadbirlarni aks ettiruvchi qaydlarni o‘z vaqtida yangilash;

ф) хизмат кўрсатиш бўйича амалда бажарилган тадбирларни акс эттирувчи қайдларни ўз вақтида янгилаш;

г) хизмат кўрсатишда фақат ҳужжатларнинг энг сўнгги таҳрирларидан фойдаланиш;

g) xizmat ko‘rsatishda faqat hujjatlarning eng so‘nggi tahrirlaridan foydalanish;

ҳ) махфийлик талабларига риоя қилган ҳолда хизмат кўрсатишнинг узлуксизлиги ва мувофиқлигини таъминлаш учун зарур бўлган маълумотларни ходимларга бериш.

h) maxfiylik talablariga rioya qilgan holda xizmat ko‘rsatishning uzluksizligi va muvofiqligini ta’minlash uchun zarur bo‘lgan ma’lumotlarni xodimlarga berish.

6 Хизмат сифатини мониторинг қилиш, баҳолаш ва такомиллаштириш

6 Xizmat sifatini monitoring qilish, baholash va takomillashtirish

6.1 Хизмат сифатини мониторинг қилиш хизмат кўрсатувчи томонидан кўрсатилаётган хизматнинг ушбу стандарт талабларига мувофиқлигини назорат қилиш, оғишларни, хатарларни ва хизмат сифатини такомиллаштириш имкониятларини ўз вақтида аниқлаш мақсадида амалга оширилади.

6.1 Xizmat sifatini monitoring qilish xizmat ko‘rsatuvchi tomonidan ko‘rsatilayotgan xizmatning ushbu standart talablariga muvofiqligini nazorat qilish, og‘ishlarni, xatarlarni va xizmat sifatini takomillashtirish imkoniyatlarini o‘z vaqtida aniqlash maqsadida amalga oshiriladi.

6.2 Xizmat sifatini baholash monitoring natijalarini tahlil qilish asosida amalga oshiriladi va ko‘rsatilayotgan xizmatning ushbu standart talablariga muvofiqlik darajasini aniqlash hamda xizmat ko‘rsatishning kutilayotgan natijalariga erishishga qaratilgan.

6.2 Хизмат сифатини баҳолаш мониторинг натижаларини таҳлил қилиш асосида амалга оширилади ва кўрсатилаётган хизматнинг ушбу стандарт талабларига мувофиқлик даражасини аниқлаш ҳамда хизмат кўрсатишнинг кутилаётган натижаларига эришишга қаратилган.

Xizmatlar sifatini baholashda quyidagilardan foydalaniladi:

Хизматлар сифатини баҳолашда қуйидагилардан фойдаланилади:

- ушбу стандартда назарда тутилган натижага эришиш кўрсаткичлари;

- ushbu standartda nazarda tutilgan natijaga erishish ko‘rsatkichlari;

- ҳужжатлаштирилган маълумотлар;

- hujjatlashtirilgan ma’lumotlar;

- кузатиш натижалари;

- kuzatish natijalari;

- хизмат олувчиларнинг фикр-мулоҳазалари;

- xizmat oluvchilarning fikr-mulohazalari;

- xizmat ko‘rsatish sifatini tasdiqlovchi boshqa ma’lumotlar.

- хизмат кўрсатиш сифатини тасдиқловчи бошқа маълумотлар.

6.3 Xizmat sifatini baholash xizmat ko‘rsatuvchi tomonidan (ichki baholash), shuningdek vakolatli organlar va o‘z vakolatlari doirasida tashqi baholashni amalga oshiruvchi boshqa subyektlar tomonidan amalga oshiriladi.

6.3 Хизмат сифатини баҳолаш хизмат кўрсатувчи томонидан (ички баҳолаш), шунингдек ваколатли органлар ва ўз ваколатлари доирасида ташқи баҳолашни амалга оширувчи бошқа субъектлар томонидан амалга оширилади.

6.4 Хизмат сифатини баҳолашда хизмат олувчининг ва (ёки) унинг қонуний вакилининг улар учун қулай ва тушунарли шаклда ифодаланган фикри инобатга олинади.

6.4 Xizmat sifatini baholashda xizmat oluvchining va (yoki) uning qonuniy vakilining ular uchun qulay va tushunarli shaklda ifodalangan fikri inobatga olinadi.

6.5 Хизмат кўрсатиш сифатини мониторинг қилиш ва баҳолаш натижаларига кўра, хизмат кўрсатувчи аниқланган номувофиқликлар ва хизмат кўрсатиш сифатига таъсир этувчи омилларни таҳлил қилади ҳамда аниқланган камчиликларни бартараф этиш ва уларнинг такрорланишининг олдини олишга қаратилган тузатиш чораларини кўради.

6.5 Xizmat ko‘rsatish sifatini monitoring qilish va baholash natijalariga ko‘ra, xizmat ko‘rsatuvchi aniqlangan nomuvofiqliklar va xizmat ko‘rsatish sifatiga ta’sir etuvchi omillarni tahlil qiladi hamda aniqlangan kamchiliklarni bartaraf etish va ularning takrorlanishining oldini olishga qaratilgan tuzatish choralarini ko‘radi.

6.6 Monitoring natijalari, sifatni baholash, murojaatlar va shikoyatlarni tahlil qilish, xizmat oluvchilarning fikr-mulohazalari, qayd etilgan hodisalar va boshqa ma’lumotlar xizmat ko‘rsatuvchi tomonidan xizmat ko‘rsatishni tashkil etish va sifatini doimiy ravishda yaxshilash uchun foydalaniladi.

6.6 Мониторинг натижалари, сифатни баҳолаш, мурожаатлар ва шикоятларни таҳлил қилиш, хизмат олувчиларнинг фикр-мулоҳазалари, қайд этилган ҳодисалар ва бошқа маълумотлар хизмат кўрсатувчи томонидан хизмат кўрсатишни ташкил этиш ва сифатини доимий равишда яхшилаш учун фойдаланилади.

6.7 Ижтимоий хизматлар сифатини таъминлашга ёндашувларни белгиловчи асосий қоидалар, хизмат сифатига таъсир этувчи омиллар, шунингдек, сифат назорати усулларини қўллаш бўйича тавсиялар ЎзМСт 795 миллий стандартида келтирилган.

6.7 Ijtimoiy xizmatlar sifatini ta’minlashga yondashuvlarni belgilovchi asosiy qoidalar, xizmat sifatiga ta’sir etuvchi omillar, shuningdek, sifat nazorati usullarini qo‘llash bo‘yicha tavsiyalar O‘zMSt 795 milliy standartida keltirilgan.

Bibliografik ma’lumotlar

Библиографик маълумотлар

СМТ 03.080.30

SMT 03.080.30

Муҳим сўзлар: хизматга қўйиладиган минимал талаблар; ижтимоий хизмат; хизмат олувчи, кейс-менежмент; ижтимоий хизмат сифати.

Muhim so‘zlar: xizmatga qo‘yiladigan minimal talablar; ijtimoiy xizmat; xizmat oluvchi, keys-menejment; ijtimoiy xizmat sifati.